بعض الاخوات نعمه والبعض الاخر زيادة عدد

اهم شي انها ماغلطت على احد
فيه ناس كذا وقت اي مشكله تفكيرهم يوقف مايعرفوا يتصرفو ومايعرفوا يلطفوا الجو ويحسوا بشي زي اكتئاب او طفش او حتى سوء تصرف فيفضلوا الانسحاب بهدوء والظاهر هذا اللي صار مع اختك
النفسيات تختلف وكل وحده لها تصرفها وطريقتها فلاتعتبي على اختك والتمسي لها العذر لان طبعك غير عن طبعها فراعي هالشي ولاتخلي للشيطان مدخل عليكم🌹

فعلا ام عنتره انتي فاهمتني صح
اقرب الناس لك تخلت بسبب الطاقه السلبيه اللي صار الكل يرددها ومو فامهينها اصلا ماصار احد يواسي احد
طبعا هاذي افكار جديده ودخيله علينا طول عمرنا نعرف ان جبر الخواطر له اجر وان الكلمه الطيبه صدقه وان الابتسامه في وجه اخيك صدقه
لكن صار منتشر عند الجميع الانانيه واقصد مثل اختي واللامبالاة وبكره لو يصير لها ازمه اوضيق لاقدر الله اتوقع مااقدر اوقف معاها بعد اللي شفته منها
لكن الله يفرج لنا ولكل مكروب ولايشمت فينا لاقريب ولابعيد وعند الشدائد تبان المعادن

الله يفرج همكم بس موقف اختك طبيعي انا زيها اذا رحت لاهلي وشفتهم مش ولابد ع طول امشي واروح بيتي لان لو جلست غالبا يحطون الحرة فيني🤣

رد روعة

فعلا ذبحتونا بخرابيطكم طاقة سلبية و طاقة سلبية وهم قصدهم انانية يعني راح اهرب و ماعندي استعداد اعطي او اساعد او اضحي او اخرب وناستي عشان احد ...
فصارت الطاقة السلبية شماعة
وهي لو يقولها زوجها كلمة غلط تبي الكل يوقف معاها
وينسى حياته بعد و تتشكى وتتشره وما وقفوا معي اخوي او اختي ..طيب وينك ما وقفتي مع غيرك ؟
اصلا وينها ذي الطاقة السلبية ماشفاناها ولا عرفنا شكلها ؟
و هم مو فاهمين
إن الواحد يشد أزر أخيه ويوقف معاه بالشدة والرخاء
موسى عليه السلام لما ربي كلفه بالرسالة العظيمة
طلب ان ربي يشد أزره بأخيه هارون

تصوروا لو هارون قال معليش يا موسى انا واحد عايش حياتي وما ابي طاقة سلبية ومشاكل ؟؟؟!!
لكن طبعا حاشاه هارون عليه السلام وقف مع اخوه موسى
وحمل معاه هم الرسالة الى ان توفى عليه السلام
و كذلك ابوبكر الصديق وقف مع رسول الله
وعادى لأجله قبيلته كاملة وكلنا نعرف القصة

فليش نلف وندور ؟؟؟؟ونكذب على بعض
في ناس ماتبي توقف مع الناس و بالمقابل
تبي الكل يوقف معاها !!! الله اكبر على ذي الأشكال
انا أسمع الناس يقولوا نفسي نفسي في يوم القيامة
لكن في ناس تقول نفسي نفسي في الدنيا قبل الآخرة
منتهى النذالة..

عادي اشوف انو مايزعل روحتها