تجمع الثاني عشر لحوامل شهر ستمبر (9) & أكتوبر (10) 2021 💗💙

اتفق معها
انا جربت من اماكن كثير حتى فـ اخر حمل طلبت من كذا موقع
ما حسيت انها بنفس جودة الي من سنتربوينت مع اني ما احب ملابسه من مهادات الشاش عندهم تفوز 👌🏻

انا بنتي وولدي اول اثنين فتحت الزياره
جهزت غرفتي في بيت امي ومفرش وسرير البيبي وتوزيعات وتكلفت فيها بعد
ولدي الثالث حسيت ما فيني استقبل ناس وافتح زيارة يومية كذا
سويت استقبال يوم واحد فقط حجزت مكان وعزمت كل اهلي وقرايبي وصديقاتي ولبست لبس نفاس مرتب ونسقته مع وسادة مرتبه للبيبي
وحطيت بوفية عشا مرتب وتوزيعات وريحة راسي
هو يوم واحد وباقي الايام ارتحت
كنت توني ناقله شقة جديدة وبعيد شوي عن اهلي وعيالي صغار وولدت عملية ما اقدر يوميا اكون مستعده للزيارات ولا فيني اجلس ٤٠ يوم عند اهلي نفس قبل

هالمره ناويه ارتب غرفه صغيرة عندي هنا في بيتي واجهز توزيعات بسيطة وضيافة بسيطة
وبخذ كم قطعه مرتبه وارواب نفاس لي، ما ناويه افتح زياره بس عشان المقربين من اهلي واهل زوجي

احنا في عُمان ما عندنا توصيل سنتربوينت


يقهر ☹️ كل المحلات توصل الا هو، لازم نروح المحل ومع اوضاع كورونا الواحد ما يتطمن يروح
بكتب قائمة بكل الي احتاجه من هناك واروح له مره وحده بالسابع او الثامن على خير
الباقي الحين اجهزه اون لاين على راحتي

هلا بك بشاير
اخبارك انتي مختفيه
وش اخبار مراجعاتك اذكر عندك مشكله بس ناسيه وش

فعلن مهادات الشاش حلوه في سنتر
وبشوف يمكن القى مثله ارخص في المراكز

والين الورد ماقصرت عطتنا استقرام وحده تبيع مهادات شاش وحلو سعرها