تجمع الثاني عشر لحوامل شهر ستمبر (9) & أكتوبر (10) 2021 💗💙

ان شاءالله

انا مره اللي طافت بعد كنت رابطه و نزل علي الماي و كنت متوسعه 6 بدون طلق او الم و حاولو فكونه ماقدرو و حولني قيصرية و قالو لزوجي يمكن تصيده عملتين لانه يمكن رحم يتمزق عندها بس حمدالله رب العالمين ما صار حمدالله حمدالله

الله يتمم عليكم ان شاء الله

الحمدالله يارب
انا من الخميس كنت علي اعصابي
طبعا الخميس رد دكتوري المجنون وقال ليش حملتي خطر ومفروض ماتحملين المره اللي طافت كان اسلوبي نوعا ما هادي ورايق
الخميس مع المغص والنفسيه تحت الصفر علمته ان الله حق وشنو اصلا اسم جامعته اللي يتكلم هو عنها وشنو اصلا شهادته لو كان استشاري متخرج من جامعه يمكن مالها تتقيم
تكلمت عن وضعي ومشكلتي والحلول ومنو يتابع حالتي اصلا وان الحمل رزق من الله حملي اللي طاف كان في ظروف جدا صعبه نفسيا وجسديا وكنت بمشاكل من قبل الحمل والحمل صار عامل اضافي مو سبب وهو اصلا شلون يناقشني بعدد اعيالي وكم مفروض اجيب هل هو مطلع علي كتاب الرحمن وعارف كم بجيب وكم ربي مقدر لي من رزق ونعمه سوا بنات او اولاد اللي خلني اتشجع انه الدكتوره المساعده والممرضه كويتيات اذري مايخافون لو فكر يتبلي علي اني غلطت طبعا كلام معاه كان بمصطلحات طبيه بحته بامراض الدم والنسا وشنو اسماء الدكاتره اللي الحين اتابع معهم وادري شنو وضعي اذا التزمت بالخطه والعلاج وثقتي بالله اني بتعدي هالفتره مثل ماعديت بناتي قبل ولو مالكرونا كان رحت امريكا وتابعت هناك ولااضغذ النفسي اللي كل مره يحطني فيه وانه قاعد يوترني علي شي مايسوا اتوقع انه بيحرم ايتكلم لما عرف اني فاهمه حالتي والدليل مصلحات كم كلمه سال عنها لانها تخصص دم ومستحيل دكتور نسا يفهم فيها الا اذا شرح له
حسبي الله ونعم الوكيل في كل دكتور عبي ولايفهم
امس رحت لدكتور دم وشرحت وضعي الحمدالله
واليوم رحت للدكتور نسا الحمدالله وقال انصحج بالخاص للولاده
وان شاءالله بستخير لانه ممكن اولد بالخاص او اغير دكتوري بالحكومه لانه كل زياره يخلني افقد ثقتي بالله اعوذ بالله منه من كثر الوسوسه

وصح سالفه المغص والم اللي انا احس فيه
سببه الاخت قاعده بوضعيه مزاجيه غلط
وهي المسببه الالم لي
مرتاحه داخل وانا ذبحني الوسواس والخوف
وربي حتي فكرت اكتب وصيتي اعوذ بالله من شر بعض الناس
مايدرون ان الكلمه صدقه

انتي شنو مشكلة اللي عندج ؟