ساعدوني

شكرا على الرد الجميل ايوه العلاقة اساس نجاح الزواج والله انه صابر عليا ل آخر درجة المشكلة انو هو عكسي تماما لو يوميا واكثر من مره يفرح
ورحت المشفى قالت مافيك شيء روحي لدكتور نفسي

رحت وطلع مافني شيء قالت روحي لدكتور نفسي

والله مره غريب مره وماعرفت ايش السبب ورجت ل دكتورة وقالت مافيك شيء وحللت الغدة

يارب آمين يارب

قرأت بعض ردودك وانك فحصتي وقالوا لك مافيك شي
ترى مو شرط يكون السبب طبي
يمكن يكون نفسي بسبب الضغوطات والاجهاد وتعب ما بعد الولاده والعناية بالبيبي خاصة لو كان اكتئاب مابعد الولاده وما انتبهتي له كله يأثر على مزاجك وعلاقتك الزوجيه
واتذكر قرأت من فترة ان بعد الولادة وبمرحلة الرضاعه طبيعي تنخفض او تنعدم الرغبه بسبب ارتفاع هرمون الحليب وانخفاض هرمونات ثانيه ويفترض هذي المشكله تخف مع مرور الشهور او السنه الاولى
لكن اللي حصل معك يمكن اجتمعت عليك ضغوطات نفسيه ولخبطة هرمونات واكتئاب الولاده وكملتيها بموانع الحمل
المهم انك حالياً ركزي على تغذيتك خاصة الورقيات الخضراء لو تعملينها عصير مع ليمون وتشربينه كل 3 أو 4 أيام طازج مره وحده واشربيه والنت مليان عدة طرق لتحضير هذا العصير
وخذي العسل الاصلي ملعقه كبيره امزجيها بكوب ماء واشربيه على الريق مو شرط كل يوم خليه كل يومين او ثلاثه
وحاولي تخصصين لك وقت تخرجين تتمشين او تهرولين مع التركيز على التنفس
وحاولي كذلك تستحمين بماء وملح بحري لو بالاسبوع مره ذوبيه في الماء ورشيه على جسمك واتركيه 10 دقايق ثم اشطفيه
روحي الصيدليه وخذي فيتامينات ومعادن متعدده استخدميها او اطلبي من الطبيبه تنصحك بنوع معين
كذلك فيتامين د احرصي انك تاخذين منه كفايتك لان نقصه يأثر على المزاج ويخليك خامله ومالك مزاج لشي
الكلام اللي ذكرته بيساعدك تتحسنين صحياً وبيعطيك طاقه ونشاط ويحسن مزاجك ونفسيتك
ولا تستهينين بالكلام اللي ذكرته عن التغذيه والفيتامينات والرياضه لان لها دور في خفض التوتر وتنشيط الدوره الدمويه وتحسين المزاج وتخفيف الاكتئاب
اما بخصوص حلف زوجك عادي لا تجلدين نفسك ولا تحرقين نفسك عشان تعتذرين وتراضينه خلاص خليه هو يتصرف مع حلفه بنفسه
واعتبريها فرصه انك تصفين ذهنك وترتاحين وياليت تصارحينه بإحترام وذوق ان مسؤليات الاطفال والتربيه احياناً تأثر عليك وانك محتاجه شوي مساعده وتفهم مو على اطرف شي الواحد يزعل
خليه يهتم بالاطفال ياخذهم مشوار ساعتين وانتي خذي هذا الوقت لنفسك ارتاحي او روحي صالون تجميل او اطلعي لصديقاتك او اي شي يرفه عنك ويجدد حيويتك وطاقتك ويحسسك بقليل من الحريه والتنفيس
يمكن اللي انتي محتاجته شوي تجديد بحياتك وتخفيف الحمل والضغوطات عنك مع شوية تغذيه وبتصيرين مافيك الا العافيه