💌التجمع (2️⃣9️⃣) لحوامل🍼مواليد يوليو واغسطس 2021

مابي احفظ...
وش بلاك عالخوف عاد انتي من اللي اتشجع من كلامهم ونصايحهم وديما تحسسينا ان الأمور سهالات
العصفر قريت تحذير انه مايناسب الحامل


متمسكه بالأمل...
يارب يبشرونك بارتفاع المشيمه وولدين ولاده طبيعيه ميسره وكل اللي مشيتهم نازله يارب بشاير خير
اتمنى ضيعتني بهجرك ورحمه ام يوسف يدخلون يطمنونا عليهم

اول شي شكرا على طريقة ترتيب الشنطه تقريبا سويت مثلك لان لي تجربه زوجي أعطى الممرضه كل الملابس وهي ماقصرت لبست الولد دبل هههههه

بالنسبه للخلطات قصدك نبدأ فيها نهاية الأسبوع ٣٧؟
الأناناس والقرفه حذروا منها الاغلب مانشربها الا اذا كان الرحم مفتوح

بالنسبة لي من رمضان اكل رطب واشرب زنجبيل متعوده عليهم

أما شعر الجسم بعد موعدي الاخير ان شاءالله اشوف كلامهم واقرر

تذكرت سؤال وردة عن اسمرار المناطق انا مثلك فجأة كل شي صار اسمر متعوده الحلمات لكن تفاجأت في الباقي
منطقة الابط جهزت خلطة الشبه وموية الورد مسك الحمدلله نفعت خففت شوي باقي الناطق على الدنيا السلام ننتظر الولاده على خير ونبدأ تقشير وسنفرات

انتي تمرني على مهل ولاتتعبين نفسك عشان جسمك يكون قوي ومستعد وقت الولاده تكون عندك طاقة للدفع هذا اكثر شي يتعب بعد الطلق الدفع خاصة لو طفلك مايساعد يتطلب منك مجهود
القرفصاء ونزول الدرج وطلوعه

نزول الجنين للحوض يختلف من ولاده للثانيه اهم شي انتبهي ليكون عندك امساك

الله ييسر لك الحمدلله اهم شي تطمنتي على كتكوتك وعلى السكري
عقبال الولاده السهله تحضنيه بالسلامه

بنات فيني حالة برود غريبه اغلب اللي حولي مايدرون عن حملي
اختي ولدت قبل رمضان كنت اقول لو احد قالي مبروك لاختك عقبالك اقولهم لكن سبحان الله هذي المره الأولى ولااحد قالي هالكلمه مع انهم كل سنه يسألوني
طبعي خجول مااعرف ارفع سماعه واقعد ابشر ولاني مو بكر اشوفه عادي
ماادري كيف يتقبلون خبر ولادتي