السلام عليكم
احس اني مشوشة ومحتاجة اتكلم مااعرف لو هذا مكان صح لكن لعلي اجد احد عنده تجربة مشابهة او خبرة يساعدني
بداية انا قبل ركزوا على كلمة قبل كنت شخص مرح جدا يضحك مو من فمه من قلبه يضحك
ودايم احس فيني روح طفل استمتع بالحياة مرة اضحك لين تدمع عيوني حتى الشي الجديد افرح فيه زي مايفرح الطفل
قلبي نقي واشوف الناس انقياء وجايين للحياة نضحك ونفرح ونمرح وحتى لو زعلت هي دقايق وانسى ولا اكره ولا احقد كلها دقايق وماصار شي
عندي طاقة احتفل بابسط الاشياء واحتفل بأهلي واخواني واخواني واحتفي بنجاحاتهم واخذ مهمة خلق الاجواء عنهم
بس من فترة وانا مو انا احس فيني ضيقة صعب اوصفهامافيني طاقة لشي
كنت أهوى الترتيب التنظيم الحين مافيني احيل اتعب ومااحس فيه شي يستاهل اتعب عشانه
حتى شكلي كنت اظهر بمظهر انيييق جججدا
الحين اهم شي نظيفة ومرتبة لا ميك اب متكلف ولاتسريحة اتعب عليها وهذي مااحسها لجين الحقيقية
فطوري لازم اخلق جو جميل واضبط المكان والاجواء ،اقرأ كتب في مكان هادىء وجميل
لي طقوس خاصة وجميلة ممتعة
الحين احيان مااقدر اكمل فيلم او مسلسل او جلسة مع الناس اتململ واحس باختناق
احس بشعور غريب مثل شعور المرتكب خطأ وكاره نفسه ،هذا الشعور ملازمني على الدوام حاولت اعرف من وين منبعه مالقيت سبب
بالعكس انا انسان يحاسب على كلامه وتصرفاته ومااحب أأذي غيري
كنت قوية شخصية وفيني صخب وطاقة ومرح بس كلو راح احس هدوووء داخلي غير مفهوم
الحين مافيني طاقة اتناقش حتى مع زوجي لو غلط ،زوجي زي غيره فيه سلبيات وايجابيات
زمان كنت عادي حتى لو فيه شي مزعجني منه نناقش الموضوع الحين مافكرت تغير وصحح خطاءه او لا
فيني بداية يأس من كثير أشياء
مااقدر ازور طبيب نفسي ولا اتواصل معهم لظروف
لكن هل احد جرب اعراض مشابهة ورجع طبيعي
هل هي فترة وتروح عني
كلموني عن اي تجربة اكتئاب عانيتوا منها ورجعتوا بعدها للوضع طبيب وش الخطط اللي التزمتوا فيها
انا قاعدة اضيع مني
وادعوا لي
شاركي في النقاش
سجلي الدخول لإضافة تعليق.
التعليقات
11- وأحس عادي حتى لو اخسر اثمن الاشياء مااحس فيه داخلي ردة فعل ومااخاف من شي احس عادي بتقبل لكل الخساير والمواقف وفقدان الاشخاص
انا اللي كنت بركان ناري
اليوم ثليج متجمد - طبيعي امور مع الوقت تتغير حتى في شخصية الواحد
ما اظن الموضوع مقلق اذا منتي جالسة تضرين احد
وانتبهي تخلطي الامور في اشياء انتي سرتي ترتاحين فيها وفي اشياء مضايقتك تبغين تغيرينها
اعطي نفسك مساحتها وحاولي تغيري الروتين وتجربين تعيشين يومك باكثر من طريقة حتى لو تغيرين تفاصيل صغيرة فيه بالبداية بيكون صعب لان مالك خلق بعدين فجأة بتحسين انك ارتحتي لطريقة معينة وتغيرت نفسيتك وباذن الله تعود المياه الى مجاريها
واقري سورة البقرة واقري اذكارك وتحصني واتمنى لك السعادة يا قلبي - ارجعي لدينك ولربك ولصلاتك
بدل ماتصلين الفروض بس صلي السنن والوتر واقري الاذكار
والادعيه
احنا ماخلقنا عشان نضحك ونمرح
احنا خلقنا لعبادة الله
انتي عندك افكار مغلوطه عن الحياه تقولين اشوف ان الحياه ضحك والفرح
لا تضغطين على عمرك ولازم تكوني انتي راعية الضحك والمرح
الانسان يتغير ينضج
تقربي الى ربك اكثر والقرآن
اللي معك ممكن من قسوة القلب
من البعد عن الله بيصير اللنسان ما يحس بشيء متبلد
سوي اعمال تطوع خيريه
مافي مشكله ما نحس بالفرح بين فتره وفتره وبنمل من كل شيء
لان الروح مريضه متعبه
غذيها بالتقرب الى الله
وترك المعاصي
الانسان كل مافهم نفسه وكان واعي بمشاعره كل مكان متزن
ومتقبل لتقلبات المزاج
ويجعل التقلبات تلك تمر بسلام وتقبل منك وحب وهدوء
و بالتقرب الى الله يكون الانسان بكامل طاقته الايجابيه
والتقبل والرضاء - حنا ما ندري هل انتي تنتظرين شي معين .. وما صار ؟ هل فيه سبب لانطفائك ؟ .. هل خاب أملك مؤخراً لا سمح الله
لكن عموماً جميعنا نمر بهذي الفترات .. بس الاكتئاب ما يسمى مرض إلا إذا تعدى فترة معينة طويلة ..
نفقد الشغف .. و نحس بالروتين .. خصوصاً بمواسم معينة مثل بدء العام الدراسي .. أو الرجوع من سفر .. أو شهر شوال ههه استغفر الله
المهم رجعي شغفك حاولي تمارسين طقس يومي يعجبك مثلاً عناية بشرة .. استحمام ثم مسلسل ثم مشروب ساخن اي شيء يمديك تسوينه يومياً
دخلي عبادة جديدة
ابدي بزنس ؟..
اشتركي بمكان أو قروب واتساب خاص بسوالف معينة ..
والله يوسع صدرك بالعافية - سبق ومريت بحالة نفسية، أحس إني ميته، لا حس ولا إحساس، وكل إللي حولي خيال، فاقدة لشعور الحزن والفرح، ضيقة وقلق، ورغبة كبيرة في الرجوع للخلف، لحياتي الماضية..
شيء شيء لا يوصف، فقدت طعم الحياة، لا أبالي ف تصرفاتي، لأنني أرى أنني ف عالم من الخيال، ما اهتم بدراستي، حرفياً أحس إني ميتة..
لما بحثت عنها اسمها "اضطراب الآنية"
ظلت معايا سنة سنتين، وراحت مني ورجعت لطبيعتي الحمدلله، ليومك هذا ما أعرف السبب، ما أعرف ليش وكيف جات وليش وكيف راحت..
بعد ما خرجت من ذي الحالة الحمدلله، بدأت استرجع الظروف إللي مريت فيها ذيك الفترة، وكانت كالآتي:
١. قلة نوم (عادي جداً أنام ساعتين أو ٣ ف اليوم!)
٢. نقص حاد فيتامين د وحديد وغيرها
٣. إرهاااااق شديييد وإجهاد ذهني كبير
(ربما تكون أو لا تكون هي السبب في إضطرابي النفسي)
نصيحتي لك..
تقربي إلى الله بالدعاء وقراءة القرآن الكريم..
أكثري من الحوقلة والإستغفار..
حللي فيتامين د؛ لأن نقصه هو السبب ف الكثير من الإضطرابات النفسية وشعور الإحساس بالقرب من الموت، وغيرها من المشاعر والإضطرابات النفسية المزعجة..
شفاكِ الله
مواضيع مشابهة
تابعي تجارب أخرى من هذا القسم.