التجمع ال ١٨٥ للمقبلات ع الحقن المجهري وأطفال الأنابيب ❤️

قلت لك حبيبتي اسألي دكتور تخصص باطنية
لأن الحبوب لها مضاعفات لو زاد الهرمون عن حده
طالما انه طبيعي فأسألي مختص افضل لك لأن حبوب الغده عمرررها ما صارت تخصص نساء او مساعده ع الانجاب .
لو عطوك جلوكوفاج ممكن لأنه مثل ما هو منظم للسكر يعمل كذالك كعلاج لتكيسات
لكن الغده انتبهي
سبق وصارت لي والله عصب دكتور الباطنيه قال لي تحليك سليم على اي اساس ينزاد الهرمون
وممكن يكون كلامهم صح بس وقتها تكونين متطمنه انك ماخذه موافقة دكتور باطنية
الاستشارة ما تضر حبيبتي اذا قال لك خذيها خذيها ع الاقل تتأكدين وترتاحين .

حاضر حبيبتي راح استشير اختصاصي غدد او باطنية والله يقدم اللي فيه الخير شكرا شموعي انا دايما حاضرة وتردين علي الله يفرحك بالحمل عاجلا غير آجل وكل بنات التجمع

السلام عليكم
انا برضو زيك ي ريماس راجعت يوم الاحد وبدأت المنشطات يوم الاثنين جرعه ٣٠٠
بس اللي موانا فاهمته بانو اثناء السونار قالت مبيض عليه خمسه بويضات والثاني فيه سبعه يعني ايش ماراح يطلع الا هذولي بس ماني فاهمه ياليت اللي تعرف تقولي😔
بنات ياليت توضحو انتم عند اي دكتور انا عند دكتور سعد القناوي لقيت عليه مدح فالنت وتوكلت ع ربي ورحت عنده انا هذي ثاني محاوله لي الله يرزقني ويرزق الجميع باجمل اولاد وبنات يارب انت عالم بالحال وحدك
هالمره كتمت ع الموضوع ماعلمت احد مابي احمسهم معاي مادري وش بيصير ان شالله كل خير

مرحبا بنات اخباركم في احد عمل مجهري في مدينه عبد العزيز الطبيه الحرس !؟

يسعد مساكم يارب.. المرجعات جعل ربي يفرح قلوبنا بحملكم يااااارب طمنونا عنكم اول بأول.. واللي سحبوا ربي يبارك لكم في الاجنه وتطلع ممتازه وربي يسهل لكم الترجيع والحمل.
بسألكم متى تجي الدوره بعد السحب لاني طبعا ما برجع الا الشهر القادم وصار لي خمس ايام بعد السحب وبدأت احس بآلام الدوره مع ان موعدها لسا عليه