التجمع ال ١٨٥ للمقبلات ع الحقن المجهري وأطفال الأنابيب ❤️

وداد التحميلة سايكلوجت نفس المفعول سواء شرجي او مهبلي

لكن الشرجي له مضاعفاته وهي مثل البواسير والاسهال والمهبلي برضو له مضاعفاته عند البعض تسبب لهم التهابات

فيه نوع ثاني من التحاميل اندرومبين او شيء زي كذا اسمها هذي تنوخذ مهبليه فقط ما تنفع شرجيه وهي اللي اذتني وخلتني اكره شيء اسمه تحاميل

الله يكون بعونك يا قلبي احتسبي الأجر ولو اني مكانك رحت وحللت وطلبت تغيير التحاميل الى ابر

الدكتور بندر العبدالكريم احبه وشهادتي فيه مجروحه بالرغم من ان عمليتي ما نجحت عنده لكن عنده نجاحات كثيررررره وسريع البديهه وشاطر كثير

خير ما اخترتي توكلي ع الله وابدي معه

قريت كلامك وكلام ام سعد ، شكلو منها الاسهال تكرمون ، لكن الحين طيب اذا حللت ان شاءالله وكان فيه حمل هل بخلوني استمر على الدوفاستون والبييي اسبرين و التحاميل بعد ؟ يعني ماراح يوقفونها؟ انا قاعده اتصبر ع التحاميل ع اساس انو ان شاءالله 14 يوم وبعدو ارتاح منها!

بنات فضفضة من صباح الله خير بس ابي رايكم


انا متاخره الدوره 11 يوم ونفسيتي تعبت مادري شصاير لها خايفه وقوقل جاب لي المرض حسبي الله عليه للعلم مافيه حمل سويت تحاليل حمل مب تحليل واحد سويت منزلي ودم هرموني وكلها سلبيه طبعاً انا مب اني متضايقه علشان موضوع الحمل انا متضايقه الدوره اول مره تتاخر علي هالكثر بالعكس دورتي قصيره يعني كل 25 يوم تجي حتى في رمضان فطرت مرتين سويت التراساوند الدكتوره روعتني والله وبعدين قالت لا مافيه شي قالت اول شي عندج تليف وبعدين قلت لها من شهرين مسويه محد قال لي قالت لا مب تليف الجسم الاصفر وبعدين قالت بويضه كبيره وبعدين قالت مادي اخذي الصوره وديها اذا رحتي مكان ثاني عطيهم يشوفون قالت البطانه رقيقه هذا بعد تاخير الدوره بخمس ايام يعني المفروض تكون في احسن حالتها مادري عن هالدكتوره احسها غشيمه ومتردده حتى بالعلاج عطتني دوفاستون قالت استخدميه عشر ايام وبعدين قالت لا خليه خمس ايام واخر شي ماخذيته لين اتاكد شسالفه شلون تعطيني دواء وهي تقول ان البطانه رقيقه وانه ماصار تبويض ومادري والله شنو الموضوع
اليوم خذيت موعد في عياده ثانيه ابي اتطمن اكثر بس بنات ابي اسالكم عن التحاليل اللي المفروض اسويها اذا تاخرت الدوره بدون حمل تكفون علموني موعدي عشر ونص وانا في الدوام احس اني في عالم ثاني مب مركزه في شغلي خايفه يكون فيني شي 😭


عساه خير يارب

اذا ربي كتب لك حمل تستمرين عليها ع الأقل اربعة اشهر

لكن تقدرين تطلبين تغييرها الى ابر

انا الابر ريحتني كثيرررررر ولله الحمد