التجمع ١٨٦ للمقبلات ع الحقن المجهري وأطفال الأنابيب 🌹❤️

اسعد الله مساكم جميع ...وربي يسهل للي مقبله ويعوّض اللي مانجحت ...يمكن بعضكن بيذكرني ..لا تفقدون الامل ...والله انا سنيييين وعمليات يمكن ١٦محاوله ولا شي ينجح حتى حمل مايجي والله مافقدت الامل ودايم محسنه ظني..والله كان امنياتي القى خطين بالتحليل امنياتي يبشروني حامل ..وعملت بكل مكان بالكم ...والله انرهق جسمي ونفسيتي من كثر الابر والبنج والعمليات والله صابره ومايعلم بحالي الا الله ..وكل عملياتي بالكتمان مااقول لاحد اني عملت او انها مانجحت ...كله اشكي لله ودايم اردد اللهم اجرني بمصيبتي وخلف لي خيرًا منها..طبعاً انا سليمه السبب بزوجي ضعف شديد بعدين صفر🥺💔لكن الله كريم اذا عطى اكرم ..بفضل الله الان ومن محاولتي اللي ماياست منها الان ماشاء الله معي توائم ربي يحفظهم ..طبعاً عمل زوجي خزعه..علماً انه بوحده قبل اللي مانجحت عمل خزعه قبل سنوات بس مانجحت ..والله حبيت اشاركم عشان ابعث الامل ولاني جربت مثلكم وياما وياما فشل فشل لكن عوض الله كبير ...وربي يكرمكم جميععععع ودايم خلو املكم بالله كبيررررررررر ..واسف على الاطاله 🙏🏼🌹

الأمممل

انتي اللي تدورك ام معاذ وعايشه وفاتحه موضوع مخصص عشان تبحث عنك لأنك مقفله الرسايل الخاصه

وكلنا صونا ندورك عشانها
ربي يسعدك اذا انتي افتحي الرسايل وارسلي لها
😍😍😍

ما شاء الله تبارك الرحمن

الله يحفظ لك ذريتك ويجزاك خيررر علر جرعة الأمل اللي زرعتيها بكلامك هذا

ياليت تحكين لنا عن تجربتك الناجحه وين وايش اللي سويتيه ومختلف ربي لا يحرمك الأجر

الله يجزاك جنات النعيم

ياعمري كلكم والله واللهم امين لكل ما دعيتوا والله يرزقكم عاجلاً غير اجل ويتمم علي يا حي ياقيوم ، شموع التحاميل بعد ما حولتها شرجي ارتحت الحمدلله ، وماصرت اتضايق مثل قبل لازم فوطه و افرازاتها وبهذله وحاله

الحمدلله

انني عند مين مسويه العمليه ؟
الشهراني ؟