تباشير ٨ لمواليد شهر مايو ويونيو ٢٠٢١🎊🎉🤱💙💗🎉🎊

انا استخدم نعناع لوحده ويريحه، وكنت استخدمه لكل عيالي..

رحت شريت بكتريا نافعه كثير مدحوها واحسها زادت الغازات عليه ولانفعت😟..

شي ثاني لاحظت انه ريحه شاي الأعشاب اللي مخصص للأطفال موجود في الصيدليات..

ياقلبي استوقفني ردك..
كذا النفاس لازم ضيقه وتعب وارهاق، بس الوحده تجاهد نفسها وتحط في بالها انها "فتره وتعدي"


كل ماضقتي فكري انها مرحله وبتعدي ويجي اللي بعدها..
اهم شي انك والبيبي بصحه وعافيه،
وحاولي قبل النوم انك تجلسي تفكري في كل شي إيجابي حولك..


خروجك من المستشفى ، طفلك السليم، اهلك اللي يساعدونك وغيرك يحملون ويولدون دون أدنى مساعده..


ترا هالشي يغير النفسيه ويغير طريقة التفكير كثير..


اشغلي لسانك بالتسبيح او الاستغفار او الحوقله ترتاحي، وحصني نفسك والبيبي كل يوم..


والله انا خرجت من النفاس وتعبانه مع ولدي ونومه وتجيني اوقات تغلبني الوساوس بس ماني تاركتها مجال وكل شويه اقول لنفسي فتره وتعدي ويكبر البيبي وتطول نومته وارتاح وهو يرتاح..


بالنسبه للقيصريه مااعرف شي عنها والله يشفيك ويعافيك يارب❤️..

اي انا خلصت نفاس ورجعت بيتي..
رجعت بيتي قبل اخلص الأربعين ب٥ ايام..

الحمدالله في الأول الأمور ملخبطه بعدين صرت افضل وارتحت في بيتي واولادي ارتاحو يارب لك الحمد..

مازال في تعب وارهاق بس ترا بترتاحين اكثر في بيتك..

الطبخ متعب والنونو طول اليوم يبكي بس انا قاعده اصبر نفسي و اقول فتره وتعدي..

اهم شي قاعده احاول ارتب نوم البيبي، في النهار اخليه ينام عندنا في الصاله احطه في جلاسته والانوار مفتوحه وعند أصوات إخوانه..

وفي الليل ادخله غرفة النوم واقفل الانوار والفه بالكوفله علشان يحس بالفرق بين الليل والنهار..

ويعني الموضوع فيه تحسن ولله الحمد وعادة الرضيع متقلب نومه زي امس مانام كويس في الليل بس جسمي تعود على قلة النوم واموري ماشيه 😁..

لاتخافين بالعكس كل شي سهالات، كنت مثلك مرا شايله هم بس ربي يسرها الحمدالله..

مبروك اللي ولدو ❤️❤️
ومعليش ع الغيبه النفسيه احيانا والتعب يخلونك ماتقدرين حتى تكتبين كلمتين 😴..



الله يسهل لكل حامل لسا ماولدت ويكتبلهم ساعه خفيفه مباركه يارب ❤️

كل شي بأجره وانا إختج
انا الحمدلله كل نفاسي ببيتي وهذا خامس طفل تبارك
الله


بس الأول قعذت عند امي اسبوعين ووايد صرتحة تلعوزت فيها
خلاص لما تتعودين على روتين معين صعب يتغير
والحين عيالي كبار صعب أشيلهم أشيل اغراضهم وأتنقل فيهم

الحمدلله اول اسبوع اريح من الشغل والطبخ و و و
و ارجع بعدين شوي شوي

والحمدلله عندي عاملة تساعدني بشغل البيت