💕التجمع الثالث عشر لحوامل (سبتمبر ) 9 & (أكتوبر) 10💕 2021

بنات ياليت كل وحده تكتب لنا ايش الاغراض اللي اخذتها وبتاخذها لنفسها وللبيبي طبعا انا احب الاغراض المعقوله الواقعيه 😅 مااحب اخذ اشياء عشان الناس اخذوا منها وبجرب لا اركز ع الشي اللي انا احتاجه فعلا خلال شهر من الولاده اشياء ضروريه تكون عند كل نفاس
ويابنات احس مره خايفه ع النونو من الزيارات والناس اللي تجي تشيله وتبوس فيه من زمان مااحب هالحركه ودحين مع الوباء احس ماادري كيف بتصرف بالذات لمن يكونوا حريم كبار ماتقدري ترديهم او اهل الزوج اللي يتسلطوا ع البيبي كانه ملكهم 🙄
مره يزعجني هالشي واهل زوجي عندهم عاده انه اي احد جا يشوف النونو لازم يشيله سواء صغير كبير
عانيت ف بكري معاناه لين ولدي مسكين تداخلت عظامه من الشيل ومرخته خالتي وقالت لي من الشيل الغلط وانا خلاص انهرت مايفهموا كانت طول الوقت يرجع من الشيل الغلط 😩
مو عارفه دحين كيف اتعامل مع دي الامور لانها مره تتعب نفسيتي
بصراحه قلت لزوجي بولد في بيتي لا ابغى اهلك ولا اهلي باخذ راحتي مع النونو ومع نفسي 😂😂😂 حسيته جته صدمه

الله يكون بعونك انا نفس الحكايه خصوصا اهل الزوج صعب اكلمهم واذا كلمتهم بيسووها سالفه
انا شايله هم ترويش البيبي
بنتي الي قبل جبتها شعرها يجنن وكثير وام زوجي عندها عاده انها تروش شعر البيبيات بصابون جسم
وروشتها كم مره وحسيته تغير وخرب
مع اني اشتري شامبو مخصص للاطفال وتقول مو حلو ماينظف😪😪 الان شايله هم بنتي الي جايه

الله يسعدكم بنات على الردود
ان شاء الله ببدأ اجهز
مشكلة زوجي مايثق بالمواقع إذا بطلب مدري كيف اقنعه
لانه هو مايحب اني اطلع السوق 💔

شاهي أنا في مستشفى حكومي معتمدين التراكمي عندهم؛ والشراب لحالات معينة واذا الدكتور شك لا سمح الله في التراكمي يطلب منها ..

الحين الوضع مو زي اول ، لا ترضين احد يبوس طفلك حرام يتعادى والا شي .
انا اهلي واهل زوجي الان مايبوسون عيالي ابد من بعد الكورونا فهمتهم هالشي حتى زوجي مفهم اهله فما بالك مولود ياعمري عليه . ان شاء الله الناس تفهم وتستوعب