۩ التجمع الخـامـس لبنات قلب ♥ المملكة ੀ القصيـم ਿ ۩

وردة

شكرا يا عمري لكن ردينة هذي تعرف للتلبيسات ؟
لأني أبي أحد يضبطها مو أي كلام ..
الله يخلف علي سويت تلبيسة بأربعة ألاف بعيادرات السيركون بالرياض وطلعت خرطي حسبي الله عليهم!!!
وهالحين أبي أحد يرمم بلاويهم !! :22:



نواعم
أعترض وبشدة على حكمك الاقصائي على الهرم ! :(

بلاتس ما شفتي فرع جدة ! تذلهبت عنده وقمت أقشقش من غير شعور وبأسعار اخت البلاش !
النسائي ما ادري عنه .. بس الاطفال روعة مرررة ..
وبعد ملابس البيت وملابس المتزوجات الخاصة <<< اخس على هالتعبير المؤدب!! خخخخخخخ !! :hahaha:
موديلات حلوة ونعومة وببلاش بلا ماركات بلا هم !!! الله اكبر تسنه تتفرق عند :arb: !!! :hahaha:

والله انك صاااااااادقه

هلا بالجميع:والله يالغاليات انا سمعت من زميلاتي ان الهرم فتح وقلت اعلمكن بس لي اعتراضين: الاول:لورده وش دعوى تبين كل شي يفتح ببريده!خلي فرصه لباقي القصيم........!!!!والثاني:لنواعم:الهرم ياقلبي له ناسه وفيه بضاعه تهبل خاصه قمصان النوم والاطفال وانا دايم اخذمن الي بالرياض وكلن يسال عنهن والناس اذواق..وباريس غاليري اخذ سمعه واسعاره نااااااار وماكلن يقدر عليه ولاحد مختبن به مثل الهرررررررررم!

بنات من تقدر تساعدني

بغيت رقم فندق الراجحي اللي ببريده اللي عندها الرقم

ترسلي عالخاص

والله يجزاكم خيـــــر

أنا عندي طريقة حنيني مجربته ولذيذة جدا.............

المقادير :
كوبين طحين بر
كوب تمر معجون
حليب السعودية أونادك علبة صغيرة

الطريقة :
تعجنين المقادير السابقة وتضيفين ماء حسب الحاجة الين تصبح العجينة مثل عجينة الكيك
وتصب في صينية وتوضع بالفرن من أسفل لمدة ساعة تقريبا ثم تتحمر من اعلى

ثم تقطعينها وتعجينينها بسمن أو زبدة وتقدم .............