التجمع ١٨٦ للمقبلات ع الحقن المجهري وأطفال الأنابيب 🌹❤️

نصيحه عن تجربه اذا كان عندك تهيج بالمبايض بعد التنشيط والسحب لاتوافقين ترجعين
الاجنه .. لانها بتكون يااما تجربه فاشله
واذا حصل حمل بيكون حمل متعب جدا
وعادي خليهم يجمدون الاجنه وبعد شهر تهدا امورك
وترجعينها ..
الكيس ممكن جدا ينزل مع الدوره وبكل الاحوال بتتابعين معها وبيبين اذا مانزل
ومايخوف كله بسيط لاتحاتين

ابرة مريونال لازم في العضل ولا ينفع تاخذينها بنفسك
اما ديكابتيل تحت الجلد سوا في الفخذ او البطن او العضد في اليد
انا ماقدرت اخذها في بطني بس في الفخذ واليد

اما الفيتامينات ماعندي علم

الله يبشرك بمايسرك

مدام مجمد حيوانات منويه بإذن الله تحملي و تجيبي احلى اولاد و بنات

عادة تجميد الحيوانات يضل سنين و كثير حملوا منها اهم شيء ماتوقفين حتى لو فشلت العمليه لان العمر يمشي و مو فصالحنا كل ماكبرنا البويضات تكون اسوء و اقل


الفشل وارد فجميع المحاولات بس بإذن الله انتي تنجح من اول محاوله

مدام قال الدكتور تعالي ثاني يوم دوره غالبا راح يأخذ البرنامج القصير اللي هو تحاليل و اشعه و بعدها يبدأ معك منشطات الى اليوم العاشر تقريبا و بعدها ابره تفجيريه و بعدها بيوم ونص عملية السحب و بعدها الترجيع ياثالث او خامس يوم اذا امورك تمام و ماعندك فرط

اهم شيء الآن ابدائي بفيتامينات و شيكي على فيتامين د و ب12 لانها مهمه و ممكن تسبب فشل اذا ناقصه

و الله يسهللك يارب

صدفه عمر الحمدلله اللي بدأتي بس لازم تكون نفسيتك كويسه عشان تنجح العمليه النفسيه لها دور كبير
ترد الروح مبروك الارجاع و الله يثبتهم لك و تجيبي احلى تؤام اولاد ارتاحي والنوم عادي على جنب او الظهر مو مشكله و اولادك خليهم عند زوجك و اشغليهم بأي شيء و الله يبشرك يارب


جمان بإذن الله يكون بدايه حمل و ترتفع النسبه و تبشرينا يارب و مبرووك مقدما


شموعي الله يبشرك اليوم بأحلى خبر يارب


انا هاجر الله يسهللك و يردوا عليك بخصوص الاجنه بإذن الله تطلع سليمه كلها الفحص متعب نفسيا لان تجلسي على قلق البن تطلع النتيجه الله المستعان


وداد الاعراض عادي لا تفكري بالحمل خارج الرحم انتبهي لنفسك و اهم شيء تحللين بعد مرور يومين على التحليل الاول و يكون التضاعف مثلا 100 يصير 200 و هكذا


المرجعات جميعا الله يبشركم بنجاح عملياتكم يارب


ماشاءالله التجمع سريع مايمدي ارد عليكم كلكم

اخباري انا الحمدلله امس عملت فحص كورونا عشان فالتخصصي و طلعت سالب الحمدلله
و اليوم موعدي بإذن الله يارب يبشرني بكل خير


طبعا الدوره مانزلت مع اني مشيت و لا لها نيه تنزل مااعرف اذا يبدأ معي او لا


انا اعطاني ابر توقف الدوره لمده 6 شهور عشان اموري تصير تمام عشان البطانه المهاجره مسويه لخبطه عندي و الحمدلله تعدلت التحاليل حقتي
و الشهر اللي راح اخذت كليمن البيضاء و البنيه وخلصتها يوم الاحد و المفروض تنزل الدوره و الين الحين ماشرفت الله يستر
نفسي ابدأ العمر يمشي و انا جالسه انتظر الله يعين


دعواتكم ♥️