التجمع ال ١٨٧ للمقبلات على الحقن المجهري واطفال الانابيب 🌺

الله يجعلها الثابته والناجحه

الاخت ترد الروح نوهت على شي مره مهم قالت المختبر


اهم جدا لانه لو كان سيئ تروح بويضاتك بدون اهتمام

او انقسام جيد

الله يبارك لك فيهم ويفرح قلبك بما تتمني

توني برد على الاخت قمر الليله ١٤ نفس سؤالك

بالنسبه لي انا من الشرقيه كان افضل مختبر بالشرقيه مستشفى سعد التخصصي بس سكر
حاليا نفسها المسؤوله قسم الانابيب انقلت الى الحقيل التخصصي واول زياره لي قالت ان هي شرطت عليهم يجيبو لها نفس الاجهزه المتطوره في سعد وهي ماتقبل يأثر المختبر على شغلها وطبعا ماصدقت لين سويت عندها مره ثانيه ونفس النتيجه كانت ونجحت وتأكدت ان فعلا مختبراتهم متطوره نفس سعد
ومعروفه هي حتى بقوقل لها تجارب كثير اسمها سهام عكروم

انا جربت سمير عباس من قبل كويسين بس مو نفس الحقيل افضل بكثير

اما حبيب الخبر مارحت لهم بس جربت حبيب الرياض الفرعين وبوجه نظري الشخصيه اشوف بعد الحقيل مختبراتهم احسن


تخيلو عاد هالدكتوره سهام كبيره بالخمسينات اذا ماصارت اكبر ولا عندها ولا طفل كل الاطباء اللي بعمرها رجعو ديرتهم الا هي للحين كل خايفه تسافر وانا اتوهق ما اثق في وحده غيرها خصوصا انها دكتوره والاحراج اقل وتاخذ راحتك بالاسأله ووقت الترجيع ماينقص وجهك من الدكتور

وكل طاقمها نسائي ماعدا دكتور التخدير رجال بس اللي تحقنك البنج حرمه بعد بس هو يشرف وقت الحقن

بشكل عام راحه نفسيه وممرضاتها هنديات عسل والله طيبات حيل


صار موقف بعد ايام مستشفى سعد التخصصي قبل يسكر كانو الموظفين مسوين اضراب عن العمل وهي كانت تشتغل واهي لها شهور مو مستلمه راتب بس ماوقفت وكملت معانا وحتى يوم مارضى يسحبو لي عينه الممرضين راحت وعصبت عليهم وقالت هي مريضه ايش ذنبها تعطلو عمليتها والله كملت عملياتنا واهي تدري انها مو مستلمه منهم راتب حيل كبرت في عيني حسيت صدق الدكتوره عينها ع المريضه وانها تنجح عمليتها

وبس هذا اختصار تجربتي معاها وحاليا انا ثالث عمليه عندها يارب تنجح وابشركم بس اول مره ارجع جنين واحد
كل مره ارجع جنينين ويثبت واحد

وكذا هالمره شعور غريب بس جنين واحد رجعت ويدي على قلبي 😭

نسيت اقول لكم العيب الوحيد ياكلو فلوس اكل احسبي حسابك ٣٠ الف رايحه اذا بتسوي فحص اجنه هذا تقريبي يمكن اكثر بعد ماحسبت بالضبط
يوم العمليه لحاله مع فحص اللجنه ٢٢ الف باقي المبالغ ادويه وكشفيات وتحاليل


كان زوجي رافض عندها عشان هالمبلغ يعتبر ضعف الباقي
بس يوم شافت فشل ٤ مرات و٥ مرات بكل المستشفيات رضى ووافق اسوي عندها