الي رافضه التطعيم علمينا وش ناويه تسوين

ايه زوجي يداوم يقول بيفصل اذا اجبروه ومستحيل يسمح لهم يدخلون جسمه سم على كلامه ويقول لو اضطر بيجيبلهم تقرير طبي باانه مايناسبه التطعيم لانه عنده التهاب وتاكل بالغضروف وفقراته كلها تعبانه وملتهبه

اسألك بالله انت تؤمني بالقضاء والقدر وتؤمني بان مايعلم الغيب الا الله
طيب انت مؤمنه بأن لكل أجل كتاب
الموت حق والله مايتقدم ولايتاخر من يومك ساعة
انكتبت ساعة وفاتك والسبب وكيف تموتي وانت في بطن أمك والله لا لقاح ولا مرض راح يموتنا ماراح نموت الا اذا استوفينا الأجل

ادري والله العظيم بكل كلمه قلتيها بس كل ماجيت بحجز موعد جاني يوسوس فيني زوجي ويقول اصبري وش عجله عليه خلينا نشوف يمكن يلغون القرار 😔 الله يعين بس

الله يهديه زوجك مو شايف الملايين اللي تطعمو ماشاء الله وماجاهم شي
خلاص اصبري لين ٢٢ وربك يفرجهاا

محد راح يحس في اوجاع ومعاناة زوجك غيره هو وانتي اللي معاشرته وعارفه البير وغطاه
الناس اشطر شي تسويه وماهره به هو الكلام والطقطقه والاستهزاء
وفي الخاطر كلام كثير لكن لا المكان ولا الزمان مناسب له ومافي يدينا غير الدعاء
اما زوجك وانتي عليكم بالاستخاره وقفلوا اذانكم عن الناس لان حالك ووضعك مايشبه حال ووضع الاخرين كلن ادرى بنفسه