تباشير ٨ لمواليد شهر مايو ويونيو ٢٠٢١🎊🎉🤱💙💗🎉🎊

الف الحمدلله على سلامتكم في وفوز وميسم وام بندر ♥️
الله يجعلها سلامة دايمه ويكتب اجوركم يارب ♥️


عقبال ذايبه داخله وباقي البنات

بنات اللي تبغى ترضع طبيعي
ولا طلع معها شيء وماعندها شفاطة كهرب ضروري تشتريها وبتشوف الفرق ان شاءالله ♥️

الحمدلله على سلامتك وأجر وعافيه حبيبتي ، قدر الله وماشاء فعل والحمدلله علو تياسيره

سؤالك الاول ، الحمدلله دامها عدت بدون اثار جانبيه ( اقصد الشفط ) طبعا الشفط سيئ جدا لو خيروك يشفطون الطفل او قيصوي ع طول اختاري القيصري ، فيه مخاطر مزع لكتف الجنين او لا قدر الله اصابات لراس الجنين يعني ابداً مو آمن لكن بعد يستخدم كحبل نجاه اخير لان الجنين اذا وصل مكان معين بالمهبل مايمدي يسوون قيصريه
بس دام الطبيبه طمنتك فخلص وراس الطفل امك بتعرف تتفاهم معه وتعدله لك باذن الله

من ضمن مساوئ الشفط الحفله والتقصقص اللي صارلك وربي يعينك 🖤

طبعا الدم اللي نزل طبيعي جدا مو نزيف وبيخف باذن الله وبالنسبه للمشد انا م البس مجرد استرجع عافيتي ابدا رياضه ويروح الحمدلله

بما انك بكريه انا حابه انصحك لولاداتك القادمه ، كان المفروض لمن بدا الطلق ترجعين البيت وتسوين قرفصاء مو تمشين
القرفصاء ( تنزل الجنين الحوض ) المشي ( يعطي لياقه فقط )
مع كل طلقه قويه تتقرفصين ينزل الجنين اسرع ويشد الطلق اكثر
نجي لابره الظهر من مساوئها هبوط الضغط وممكن تتسرب للجنين وينولد جنين نايم بعد
من مساوئها تطول مده المخاض مثل ماصارلك وماتعرفين تدفعين صح وتتعرضين لولاده عن طريق الشفط وضغط البطن

صح انتي تحسين ان الالم هذا كله ومع ابره ؟ فما تقدرين بدون ابره
الحقيقه ان جسمك ماكان مهيئ للولاده للاسف عشان كذا طالت المده وتعذبتي ، ولا الولاده اقصر من كذا وكثير ماشاءالله الطلق الحامي مع ولادتها ولا تجي نص ساعه وبدون شق عجان وخياطه وتعب
لازم القرفصاء من بدايه التاسع ولازم مساج للعجان من الشهر الثامن
عشان تكون عندك ولاده سريعه وماتحتاجين اي تدخل طبي لازم حاجتين تكون متوفره جنين نازل بالحوض تمام وطلق منتظم وحار
اذا الجنين متوجهه بس وبعيد وجا الطلق بيكون فيها ولاده صعبه ومؤلمه ومتعبه لان الام ماعاد تتحمل طول الوقت
فأحرصي حملاتك الجايه ينزل الجنين الحوض ويكون قريب وولادتك باذن الله ماراح تاخذ ساعه
خلطه قمم التميز جدا ممتازه وفعلا تفتح العنق بدون ألم
القرفصاء خليه صديقك دايماً بالتاسع
والحمدلله على سلامتك مره ثانيه وتتربى بعزكم الأميرة 🤍

أنا جبت وليدي شفط الان عمره شهرين كيف أدري كتفه متأثر من الشفط ولا لا،، أخاف مع النمو يتأثر وأنا مادريت عنه..

يوه ياليتي عارفه هالكم من المعلومات قبل 😭😭😭😭😭

بتقطع علي مشوار كبير

طيب الحين الحفله والتقصقص اللي صار لي وش الحل معه ؟
فيه اشياء التزم فيها واتلاحق عمري والا خلاص ؟
ياربيه بس استغفرالله اكثر شي كنت حريصه عليه وببالي اني اولد بدون قص عجان
وقالو الابره الحل لان عشان مافي الم ماتفقدين السيطره وتتحكمين انك تدفعين بهدوء بحيث يطلع بدون مشاكل تمزق
وصار العكس 💔💔💔💔

الله يسلمك ويخليك والف الحمدلله على ستر ربي يعني لو جايها شي من الاثار الجانبيه اللي قلتي زي تمزق الكتف او تسرب الابره كان اموت والله💔
الحين راسها يالمها مره ماتحب احد يلمسه من ورا وعلى الرقبه