بنات تعطونهم او لا ؟

عمال النظافة بس و بالذات إذا كان ملتزم له لحيه طويله أو شايب كبير في السن بس هذولا اللي اعطيهم لأن فعلًا أرحمهم و ادعي لهم أن يفتح عليهم من خيره و فضله


لهم مكانه لكن الظروف حدتهم الله لا يحدنا يارب

الله يسعدك
بس حبيبتي الالتزام مو باللحيه ابد
نورتي ياقمر💗

تدرين ليش ؟

لأن شفت مقطع لعامل نظافة ملتزم حافظ للقرآن كامل فمره رق قلبي لهم ، هذا مو مكانه هنا ، لكن وش نقول هذه هي الدنيا كلها تعب و مشقه و جهاد

الراحه و النعيم في الجنه برحمة الله و فضله

بصراحه اي ... السائل ماتنهرينه .
خصوصا مع كورونا ...
والكويت ضربت الرقم القياسي بالحظر الكلي والجزئي
وفيه عمال يشتغلون باليوميه ووقتها ماعندهم
كاش بيدهم . الواحد يساعدهم باللي يقدر عليه .
الا مرااات تحسين بخوف .. فهذا اعرض عنه بسكات .


اذكر حظر جزئي وكلشي مسكر ماعندنا الا البحر
ومرينا ناخذ ريوق للعيال الا واحد يطق دريشة سيارتي الفجر
بغيبيت امووت من الخرعه . هني بصراحه ماطالعت فيه لان
طريقته غلط وفيها تعدي .
طبعا ليش الفجر طالعه :
كان الوضع عادي الكل يطلع بالوقت هذا
اللي يفتحون الحظر فيه . وقبل لاتحتر الشمس

عصصصآااآآببة عصابة


اغلبهم مرسولين من الحوثيين و الأثيوبيين ، و فيه ايادي مساعدة من اطراف ايران ترسل متسولين علينا من دول عربية ثانية ❌


الله يرضى عليكم كفاية تعطيل لجهود المملكة✋🏻🇸🇦
هي تنظف دولتنا من مستنقعات التسوّل 🧹
و الناس تاخذهم الحنيّة و يعطون فلوسس..💸🤕


اذكر قبل 5 سنين صار حوار في برنامج ما يحضرني اسمه
واحد من العصابة طلع عنده حس و ضمير و تكلم في البرنامج


قال المتسولين في السعودية يحولون المبالغ ل دولهم و يصنّعون فيها اسلحة و صواريخ ينسفون فيها المملكة
و هالكلام صحيح و كثير رؤساء عصابات اعترفوا بهالشيء بعد القاء القبض عليهم..


المملكة مستهدفة و المتسولين هم اساس خطط الدول المعادية


لاتستهينون ب الموضوع لان ذا بلدكم ، امنكم و امانكم
بعد الله♥️🇸🇦
اذا بتغلبكم العاطفة عطوهم علب موية او عصير او علب لبن صغيرة
اي شيء .. لكن فلوس لا❌




👇🏻👇🏻
الفلوس وفروها ل عامل نظافة الطرقات
هو اللي صدق ب حاجتها💔


صح ان المملكة توفر له سكن مجاني متواضع صغير لكن راتبه ما يتعدى ال٤٠٠﷼ وهو واقف من فجر الله تحت هالشموس ينظف شوارعنا .. وش تسوي به هو و عيال هالاربعمية!! الله يكون ب عونهم