عادات انقرضت

العاده اللي عندنا البنت م تحضر بيتها بنفس ليلة الفرح بعدها بيوم يجيبونها اهلها والعريس يسوي عشاء ببيته طبعا هالعاده بوقت امي احنا لا

كانت وما زالت
العرس في الحوش وكل الناس تجي والدلوكه والاغاني وفطور وغداء وعشاء
لكن الناس اللي تجي بتساعد في الشغل والتجهيز

الحرمه الي تكون مع العروس ليلة الزواج وصباح الزواج كانت موجودة هذه العادة عندنا في نجد يسمونها الربعية وتاخذ على ذلك فلوس
تجلس عند العروس الين يجي العريس وبعدين تطلع وتروح تحضر الزواج
وفي الصباح تجيب القهوة وفطور العروس من عند اهلها

يالله كنت اسولف مع زوجي عن هالعادات الحلوة اللي زوجي يقول الحمدلله مالحقت عليها والا كان فلست 😂😂 خذي
حنا اولا يدفعون المهر مايقل عن ٥٠ الف و يوصل ١٠٠ الف و يشرون الذهب من غير المهر
و فوقها يشترون ١٠ خواتم ذهب هذه لأم العروس تهديها لقريباتها الغاليات و عشر عبايات او طرح
و يشترون ١٠ طاقات اقمشة ملابس بالامتار اللي يسمونه اول ( الطاقة ) اللي هي ( رول اقمشه ٢٠ متر ) الأقمشة هذه لأم العروس بس مو لها شخصيا لااااا توزعها هدايا ع المعازيم و الجيران كل وحدة لها ٣ متر و للعروس شنطة سفر كبييييييرة مليانه ملابس نعول عطور لها و لاخواتها و امها تاخذ و توزع 😂😂
واذا هم مسافرين لأهل العروس يكون العرس هناك فأبو العريس يتحمل مصاريف الضيوف من سكر رز شاي قهوة تمر دجاج و الذبايح
و اذا العرس بنفس الديرة يشترون لأهل العروس مصاريف الضيوف فقط رز قهوة شاي سكر
و يشترون دلال و اباريق و كاسات و فناجيل للعرس
اذا العرس بالمدن يكون بالبيت و اذا بالديرة يستاجرون خيام
و ذبايح ماتقل عن عشرة و قعودين
و كل الناس و الاقارب يحضرون حتى لو من بعيد
و بالنسبة للعشاء يجيبون طبابيخ رجال يجون ورا بيتكم و معهم قدور و يطبخون
بالنسبة للعروس فضيحه و عيب تلبس فستان ابيض او تكشف
لازم عباية و برقع و ثوب يتلامع 😂😂😂و كل الذهب اللي جابه تلبسه لو خمس قلادات تلبسهم مافيه ترتيب 🤫🤫
و فضيحه وعيب احد يشوفها لمدة شهر
و تدرين وين تنزف العروس ؟؟ فشيله 😂😂😂
ببيت ابوها يجي العريس يبني غرفه اذا هم بالديرة او ابو العروس اذا بالمدن تكون عنده غرفة فاضيه لبناته اذا تزوجن يأثثها العريس
مع اول مولود تروح لبيتها
وبس و الحمدلله اندثرت تحسينه جهاد مو عرس 😂😂😂

والله حلو يتعب ويدفع ويلعن خيره عشان يحس بقيمتها صح