تباشير 3️⃣لمواليد💕 يوليو واغسطس💕 2021💕

أم جوجو الحمدلله تسهلت معاكِ والله يسعدها هالدكتوره ..

هاديه أنا خاطري أعيش في تبوك.. من فتره كنت أتمنى كدا بيني وبين نفسي لكن لمن صرت أشوفك تتكلمي عنها كدا تحمست أكثر بالرغم ما قد زرتها في حياتي بس الي أعرفه انه جوها حلو وبارده ومدينة فيها الخدمات والأمور المهمه ..
.
رابغ مناسبتني جداً لكن قربها من جده وزعل الأهالي لو ما نزلنا صار يضايقنا أنا وزوجي لأنه ودنا ننزل كل شهر مره لجده لكن الأهالي ما يرضوا وكدا .. بس إذا عشت في منطقه أبعد ماراح يزعلوا وخلاص ننزل جده في السنه مرتين وكدا إن شاء الله..
.
دحين عندهم مناسبه في جده وإلّا وإلّا يبغوني أجي أنا وتقريباً عدد الحريم ٢٠ حرمه والبقيه أطفال.. استراحه فيها مسبح ومااقدر انزل المسبح الدكتوره منعتني ولا اقدر اجلس برا مع الحر وأراقب بناتي لاني أخاف من المسابح اخليهم لوحدهم وأدخل جوه وانشغل مع الحريم..
.
فبجد مره خاطري أعيش في منطقه بعيده وبارده.. زوجي قد جاته وظيفه في الرياض بس مااحب المدن الزحمه .. بالرغم انها متطوره حتى يمكن أكثر من جده.. والشرقيه حر .. يارب تتحقق الأمنيه وتجيه وظيفه في تبوك على خير يارب ♥️..
.
سبحان الله لاحظت فعلياً الي يسعد وحده مو شرط يسعد الثانيه .. ناس تنسعد لمن تسكن في نفس مدينة أهلها .. وناس تنسعد لمن تسكن في مدينة متطوره زي الرياض وجده .. وناس تنسعد لمن تسكن في مدينه متوسطة التطور والزحمه لكن أجوائها جميله وبعيده عن كل الناس الي تعرفهم <<< الله بس الشعور هذا فيه كمية راحه 😭♥️..
.
أكثر شيء ينكد عليا في الحياة لمن يقولولي في عزيمه 😭😭💔💔 يا كرهي للعزايم وللمجاملات الاجتماعيه..
.
أحب الحدايق والبحر والملاهي والنوادي مررره انبسط <<< كلها مافيها جمعة حريم وسواليفهم ..

روز كانك تتكلمي عني اول ماابتعثنا انا وزوجي
وسافرنا بكيت بكى كيف ابعد عن اهلي وناسي واحبابي
بس استقريت هنا يالله كيف ارتحت من العزايم والزواجات والمجاملات
صح اشتاق لااهلي وامي بس مرره فرقت معانا انا وزوجي حسيت براحه
هنا تعرفت على زميلات بس ماراح يزعلو اذا مارحتلهم بعني بكيفي اذا ابغى اروح او لا واصلا كل جمعاتنا سهالات وبسيطه مرره مافي تكلف واطفالنا حولنا
حتى وانا هنا بالغربه سكنت في سكن بعيد عن سكن البنات اللي اعرفهم 😂😂
كلهم ساكنين جنب بعض الا انا ماخذه بيت بعيد شوي عنهم
افكر بس نخلص ندور وظايف برا جده احس تعودت على ذي الحياه مااتخيل ارجع للعزايم والزحمات لاني مااحبها بصراحه
احب الجمعه اللي فيها بالكثير ٥-٦ أشخاص انبسط اكثرر

يارب يكتب لنا الخير

اسمي السابق:RozaRoz💕

آميييين يارب
.
ذكرتيني ب قريبتي قعدت هي وزوجها ١٠ سنوات في أمريكا وأول ما رجعت جده عند اهلها وناسها حست بضيقه .. تقول هناك الناس بسيطه وجمعات البنات وكدا .. هنا الناس متكلفه .. فتخيلي صارت ما تروح ولا جمعه وخلاص أمها ما تضغط عليها وعايشه هي وزوجها نفس حياة أمريكا بدون العزايم لكن في جده بحيث تشوف أهلها وهي طبيعتها انسانه جداً بسيطه في لبسها ومكياجها يعني عادي تروح زواج بس حاطه روج ومسكرا وبي بي كريم .. وطبعاً عندنا عيب كدا 😂 لا كشخه كشخه لأنه فرح في قاعه وكدا .. بس الي يعجبني في أمها ما شاء الله ما تدخل في لبسها أو مكياجها أو اصرارها انها تروح العزايم .. وهي بس تجي زواج القرايب الي مره مره وتكون جداً بسيطه..
.
فأنا زيها ومررره أخذ من شخصيتها تقريباً احنا بس اثنين الي من بين الجيش الكبير 😂 الي زي كدا فتعالي شوفي الهجوم علينا..
.
لكن هذي الأمور حتنقرض وأنا عجوز 😂 يصير في حرية لكل شخص انه ما يلتزم بنفس ما يسو الناس وانه يكون حر في تربيته لأطفاله أو كشخته أو أو <<< الأجيال الجايه تفكيرها أفضل .. لمن اجلس مع بنات الجامعه دحين يكونوا بنات مواليد الفين يعني عندهم تقبل ومرونه مو زي الأجيال الأكبر.. كدا تحسي كل شيء عادات وتقاليد يهتموا في هذا الموضوع أكثر من الحلال والحرام..