التجمع الخامس عشر لحوامل شهر ستمبر (9) & أكتوبر (10) 2021 💙💗

الله يطمن قلبك حبيبتي🥰 رحت الحمد لله كل شي تمام كملت ٢٢ أسبوع سبحان الله حتى ايدو الصغيرة شفتها ، الله لايحرم مسلم من الذرية

اااخ بس وين يسمعون المستشفى حقوقي ، انا من حقي زوجي يدخل معاي غرفة العمليات بس يقولون ممنوع 😫💔 كل ولاداتي الطبيعيه والقيصرية كان معاي الله لا يخليني منه احس براحه وبأمان وهو يهديني وينكت علي واعصب عليه 🤣 ويرجع يهديني ..
يعني احسه هو شريك بالحاله لازم يحضر لحظه خروج البيبي ويشوف كل شي

لا ما يسبب سكر ، او يسبب كان كل الحريم عندهم سكر 😅

ماعليك زود يا بعد حيي ، عاد انتم اهل الكرم والجود لنا أهل من حايل 🥰

الله يشفيك ويشفيني من هالسكر اللي ذبح الناس واكل صحتهم.
صدقيني ماارتفع عندك السكر الا لان عندك قابليه للسكر ، انا سويت التراكمي وانا بالثالث كان ٥.٥ ، التراكمي هو معدل لنسبه السكر للثلاث الشهور الماضيه يعني انتي كنتي مسيطره عليه قبل الحمل بس مع تقدم الحمل جسمك ماصار يفوز الانسولين الكافي عشان كذا يعملون تحليل الجلوكوز ( هو تحليل يبين سكرك حاليا وليس بالماضي )، دكتور قالي طبيعي ودكتور قال لا انتبهي وسوي حميه .. ودكتور قالي اصلا بالحمل مانعتمد على التراكمي لازم الشراب ( الشراب عباره عن جلوكوز زيه زي اي مشروب فيه سكر عالي ) .. طبعا بعد التحليل قالي امشي على منظم وكانت القراءات الحمدالله ممتازه ، بس قالي لازم تنتبهين كل ما تقدم الحمل والمشيمة كبرت بتحتاجين انسولين بجسمك . دكتورين قالو نفس هالكلام ( دكتور الولاده ودكتور السكر ) وفعلا صار لي الحين اسبوعين على الجلوكوفاح والانسولين ولاحظت كل اسبوع صايره ازيد جرعة الانسولين عشان ما يرتفع علي .. الله يسهل لنا ونولد بصحتنا وعافيتنا ويروح مننا عقب الولاده ويحفظ اجنتنا من هالسكر .