النظره الدونيه لزوجة الغير موظفة

ارفعي في ربات البيوت مثل ما تبغين بس لا تقللي من الموظفة عايشه معاها عشان تحكمي انها راميه عيالها ع الشغاله ولا على امها ومن وين عرفتي انها تأكل عيالها سموم واكل مطاعم التعميم صيغة الجهلاء انا معلمة ثانوي ومرت علي عينات اهمال قد شعر راسي سواء كانت الام موظفه او ربة بيت كل مين وشخصيتها والله ان احيانا الدوام ينتهي والبنت مااحد يجي ياخذها ونتصل ع البيت الام نايمه ولاهي داريه ويكون في لبس في مواصلات البنت الاب معتمد ع الاخ والاخ معتمد ع الاب والام نايمه مافقدت بنتها هذي ايش تسميها بالله والله ان النظام يقول بعد ٢ ونصف يتم التواصل مع الدوريات وتسليم الطالبه ومع ذلك اتحدى اذا موظفه عمرها سوتها نضطر نجلس مع البنت لقريب العصر لين يجي احد ياخذها فرجاء ما نعمم على شريحه معينه ونقول كل ربات البيوت كذا او كل الموظفات كذا الحياة واسعة والخيارات مفتوحه امام الانسان كل مين يختار الطريق اللي يرتاح فيه وبعدين للعلم الوظيفه مو ماده فقط الوظيفه باب اجر عظيم للي يخلص ويحتسب ذلك لو كل النساء جلسوا في البيت مين يعلم ويطبب فكل ميسر لما خُلق له..

كنت موظفة لمدة 5 سنوات و بعد الإنجاب تركتها لأجل أطفالي و أتمنى العودة بعد ان يدخلو المدرسة
بكل صراحة الوظيفة روووووعة تحسين نفسك عندك قيمة

الي اشوفه النظره الدونية للمرأة غير المتعلمه( الغير جامعية)
او الي ماتعرف تتكلم لغات
شفت قدامي وحده تكلم عاملتها بعربي مكسر وصاروا يرموا عليها حكي
مااحد مرتاح

وش دخل السعابيل ؟ وش هالربط الي يفشّـل .. أنا أعرف السعابيل أثناء التسنين . مدري عيال الثانية ما يسنّـنـون ؟

بنات الي تغار من الموظفة لا تقعد تطلع عيوب من تحت الأرض ، كلنا أذكياء ونفهم ، و شكلك يطلع يفشل والله .

مدري ما لاحظت ..
كنت موظفه سابقة بقطاع خاص كرف الى ٤ العصر
وجلست بالبيت والحمدلله ..
البيت يحتاج له امرأة تقوم ببيتها واولادها
.. تتابع سلوكياتهم .. تشرف عليهم .. تتواجد معاهم وتنتبه لهم ..