التجمع الرابـع لمواليد ينـ 1 ـاير & فبـ 2 ـراير 2022

في النخايه بيولدونك على حساب الدوره لان الشهور الاخيره السونار مايكون دقيق

انا مريحه راسي احس انه بدري اختار اسم

سلامتك الف سلامه ممكن تعرضتي للمكيف او اخذتي برد المهم حاولي تدفي نفسك وتشربي ساخن

السوم رحت موعدي وسويت سونار تفصيلي والحمدلله كل شي تمام وسألته عن جنس البيبي قال لسى بدري حتى ماكلف روحه انه يكشف ع الجنس او يبحث قال لما تتمي ٢٠ اسبوع تعرفي انقهرت مره طالعت في السونار عشان اعرف من نظرية نوب مو ظاهر اي ارتفاع ونظرية رامزي البيبي جاي ع اليمين يعني الثنتين تقول انثى والله اعلم

هههههههههههه فايقة ورايقة
انا بعد ماعور راسي ولدي البجر ماخترته لان كنيتة ابوه ابو فلان والاسم لصق فيه قبل لا يجي ماعرفت افكر صراحة
وبنتي اسمها جا علا بالي مرة اقترحته على زوجي ووافق عليه قبل لا احمل بسنوات ومن حملت خلاص حتى مافكرت ولا احترت جا مفصل عليها
هالمرة زوجي مقرر هو يختار بنت او ولد لين بنت دانة واذا ولد اسم ابوه الله يرحمه
وانا عاجبني اسم ابوه من سنين خاطري اسبق الباقي واسمي علي اسمه بس سبقوني ههههههه ومرت اخو زوجي احتمال تولد قبل بشهر لو شهرين وبتسمي نفس الاسم هههههههه
انا عن نفسي كنت اتمنى محمد او محمود لان عايلتنا ابدا مافيها هالاسم بس هالمرة اذا الله اراد بسمي على جده المرحوم واذا الله رزقني مرة ثانية بولد بسمي محمد او محمود ان شاء الله .