ما ابغى اسوي استقبال

-
ماله دخل ابداً..
أنا وزوجي ومعنا طفل واحد ساكنين بـ فلة ٣ أدوار..
ماشاء الله لاقوة الا بالله..
إذا عِندنا القدرة المادية نشتري فلة حتى لو ببداية حياتنا..
بلعكس هذا البيت لنـا وأمان لـ اطفالنا فـ المستقبل..
الواحد تروح حياته يدفع اجار وهو يقدر يشتري ليه؟
ومتأكدة لو اهلك يقدرون كان عدلوا من أوضاعهم!
نصيحة لاتحسسين اهلك بهالشيء..
حرام والله!

حددي اسبوع للزياره قولي خايفين ع امي من كورونا وخليه بشقتك رتبيها وحطي استقبال واستاجري شغاله او احد خواتك تعاونك مافيها شي

إنتي شلتي الله يهديك هم بيتكم واثاثكم ونسيتي اهم نقطه الميزانية الي بتتصرف مبلغ وقدره على صواني الحلا والشوكلت والعشاء اذا طبعكم تحطون عشاء انا اشوف مالها داعي خلي الي يبي يجي يجيك بعد ماتطلعين يجونك يسلمون ويرفعون ويتقهوون وخلاص هاذا مو اول بيبي لك هالفتره ارتاحي واكيد اقاربك بيجونك يرفعون بس تسوين لك صينية شوكلت وصينية مالح وحالي مايخرب مثل البيتفور وعصير والحمدلله يجون قهوه بعد منها ماتكلفين على اهلك وزوجك ومنها يصير الوضع خفافي

اهم شي قريبة زوجك تسأل عن اهلك نقلوا او لا


شدخلها بالله🤔


وردك البارد عليها.


دام متفشله من بيت اهلك. خلاص خلي نفاسك بيتك
وجيبي لك شغاله تقوم فيك
واصلاً المفروض هالشي هو اللي يصير.
معك بنت والحين الثاني. خلاص خلي نفاسك بيتك وخلي شغالتك
وزوجك يقومون فيك
وحطي استقبال من الباب لحد الشارع 😎.


اكره شي عندي بالحياه لما الوحده تتزوج وتبدا تعيب بأهلها
وترضى تسمع كلام فيهم
اكيد اهلك ع قد حالهم ومو عشان انتي بتصيرين عندهم يضبطون البيت عشانك
خلاص ضبطي الجهه اللي بتجلسين فيها فترة نفاسك
والعجيب ان كل تفكيرك ماتبينهم يجون لبيت اهلك.
ليتك من البدايه قلتي امي كبيره ومابي احد يزورها بالاوضاع هذي🙄
بس قدمتي الامور التافهه. وبالاخير قلتي حتى امي مابي احد يجي
يمكن مخالطين

دامك متفشله من بيت اهلك
اولدي في بيتك واخدمي نفسك بنفسك
يمكن تعرفين قيمة بيت اهلك وتعرفين قيمة امك لمن تجربين تولدين في بيتك وماتلقين لقمه تاكلينها
تظنين الناس اللي شايله همهم بيرسلون لك اكله ولا طبخه
كلام الناس ونظرة الناس خليها وراء ظهرك