بنات مرره متضايقه من موضوع

بنات انا رحت عند اهلي زياره من قبل امس وحصل موقف مع زوجي قهرني ايش رأيكم بردت فعله كنت ارسله وقال دقي كلميني بسمع صوتك قلت طيب بس امي عندي وازعاج الاولاد وشوي بطلع الحوش اكلمك قال لا خلاص خليك انا بنام.
صورت له قلت خلاص طلعت قصدي اعلمه اني طلعت توقعته نايم لانه مارد بسرعه وقفلت جوالي الكلام هذا قبل امس الساعه ٩ الليل
هو رجع ارسل بعد ٤٠ دقيقه ومارديت عليه ماشفت رسالته ورجع ارسل الظهر اليوم الثاني ومارديت مافتحت جوالي وارسل العصر اكثر من مره
انا رديت الساعه ٥ العصر
على رسائله
قال الحمدلله على السلامه
قلت الله يسلمك
قال من امس قصده اني غايبه من امس
وقال باقي تفكرين قصده افكر في سبب لغيابي
قلت البارح قضيت ليلتي في الغرفه طلعت الحوش شوي واهلي ناموا وانا دخلت الغرفه ونمت الفجر
قال وانا
ما اهمك
قلت انت اهم شي بالدنيا
هو عصب وقال جالسه لحالك بالغرفه ليش ما ارسلتي
ايش عندك من البارح للفجر تقولين بطلع صورتي واختفيتي
وايش صار فيك ما ادري
شوي احصلك متصله في التلجرام الساعه ٢ الظهر مزاجيه عندك
انا قلت لانك تقول بتنام ومافتحت الواتس من الاساس خلص شحن جوالي وتركته
والظهر ايوه فتحت التلجرام شوي وطلعت
هو قال المهم انتي بخير قلت ايوه توي صحيت كنت نايمه وعلى طول جيت ارسلك
رد وقال نوم العوافي
عن اذنك انا بنام مانمت من امس
قلت طيب انت زعلان
قال واذا مايفرق عندك
قلت الا والله يفرق كل شي يهون الا زعلك
قال عوافي ياقلبي
عن اذنك بنام الحين
وقفل جواله
ومن وقتها للحين مايرد ارسل واتصل مايرد
هو زعل لأني مارديت ولا فتحت جوالي بس ماقصدي لأنه قال بينام وعلى هذا الاساس قفلت جوالي وبجلس مع نفسي شوي لأني مره مضغوطه مشاكل ومسؤولية الاولاد وكذا
فقلت بستغل الوقت لحالي وبجلس مع نفسي وماحبيت انشغل بالجوال ومن الاساس ماتوقعت ينتظرني
الحين هو مره زعلان من تصرفي وماعاد يكلمني وهو من النوع اللي اذا زعل يطول زعله لو يجلس اسابيع مافرقت عنده وكان دايم يقول تعرفيني زعلي وسخ لا تزعليني منك
بنات مقهوره من تصرفه وزعله احس مافيه شي يستاهل كل هذا حتى ما اقدر ارجع البيت لانه مايرد مقفل جواله
اوقات احس انه يشك فيني عشان كذا يزعل بدون سبب واضح وهو جداً غيور حتى من ولدي الصغير مايحب ادلعه قدامه يقول عنه جاره وبنتي الصغيره جارته والله ماعاد افهمه زعله يحير احس مافيه شي يستاهل ما ادري انا مارجعت اتكلم معاه عشان افهم منه واعرف السالفه انصحوني والله بموت قهر