اللي عندها بنات

حددي لكل وحده مهمه يومياً تسويها . شي سهل مثل تجمع الغسيل او ترتب شي معين او تشيل الصحون و و الخ. الاهم مايستغربوا لما يكون عليهم شي من المهااام اليوميه.
النظافه علميها و هي تتعلم و شوفي من وقت لثاني عطيها ثقتك انها تعرف تهتم لنفسها.
البنت الي تحب ترتب هذا يكون بطبيعتها ماتحب اي شي مكركب

🙄عمره 15 وقايمه بالبيت وقايمه بأخوانها
طيب امها وش وضعها بالحياه😒!

لا تحمليهم مسؤوليه اكبر منهم ..
غرفه نومهم هم اللي مسؤولين عنها بالترتيب والنظافه وانتي خليك مشرفه عليهم بالامور الصعبه تساعديهم
الصاله تقدري تحطي لهم سله نفايات فيها يرمون فيها اي شيء بالارض كذا انتي تعوديهم على النظافه مو شرط يمسكون البيت كامل
حبه حبه عليهم ولهم حق انو يلعبون وينبسطون بحياتهم وبطفولتهم
المساعده في اعداد سفره الطعام هذا انا اسويه مع بناتي الله يحفظهم ويحفظ لكم احبابك 🤲
اما الاجهزه يومين ايه وعشره لا ما احاول اخليهم عليه كثير
ونظافتهم الشخصيه يا حلوه علميهم كيف يستحمون خاصه اللي عمرها 9 خلاص كبيره ما شاء الله كيف يغسلون شعرهم وجسمهم
وخاصه الاماكن اللي ما ينتبهو لها مثل تحت الابط و الرقبه والاماكن الحساسه
والافضل تسوي لهم روتين بعد للأستحمام من ترطيب وعطور
اهم شيء ما تأمريهم امر وتعصبي لا بالهداوه يمشون بدون ما يكون غصب عنهم


الله يرزقك برهم يا رب وتشوفيهم بأفضل حال وبأحسن مكانه يا رب😍💕

انا كرفت وشلت مسؤليات اكبر مني وانا طفله عمري ١١ سنه وصار غصبن عني اعملها الله يسامحك ياامي البنات كانو من عمري يلعبون واحس اني حرمه كبيره واهتماماتي غير عنهم وكبرت وكبرت مسؤلياتي كني حرمه متزوجه لدرجه بنات اعمامي وخلاتي يوم دخلو المتوسط فنانين بالمكياج واللبس والتنسيق من غير لااحد يعلمهم هم اهتمامهم كذا ماشالو مسؤليه بيت وكرف وتنظيف وترتيب ويعرفون لاانفسهم ودلع وكياته ونعومه يدينهم وانا اطبخ وصياني رايحه ووقهاوي جايه والله تحسفت على طفولتي اللي راحت ولين يومك هاذا متزوجه واطفال واكرف واتعب تعب الله يعلم فيه انهد حيلي وشغاله اكس احلم فيها بسبب شهرتي االلي كانو عارفينها جماعتنا وانتقلت لزوجي اني شغيله وسنعه ولكن مافادتني بشي الان
والان عندي بنت ٥سنوات وولد ٨ سنوات ولا راح افكر اسوي معهم نفس اللي سوته فيني امي الله يسامحها اشغالهم يرتبو اسرتهم وملابسهم الوسخه بسله الغسيل العابهم يلموها بعدهم وومعلمتهم ياكلو زين ومايخلو الاكل يطيح على الارض حفاظا على النعمه لايدوسوها والاوراق والقراطيس بعدهم بزباله بس هاذي اشغالهم المناسبه لعمرهم واذا كبرو بتظل نفس اشغالهم بخليهم يعيشو عمرهم واذا كبرت البنت وحبت تسوي وتطبخ براحتها بس الطبخات السهله وتغسل ملابسها وتعيش طفولتها ومراهقتها بشغف طفوله ومراهقه اللي بعمرها

أوفر 🤮