التجمع السادس عشر لحوامل شهر ستمبر (9)& أكتوبر (10) 2021 💙💗

اخر مره سويت سونار سألت الاخصائيه ، قلت لها في كثير اطفال ينولدون معاهم ثقب بالقلب ! مايبين معاكم بالسونار ؟ قالت كل جنين في بطن امه يكون عنده هذا الثقب طبيعي واول ما ينولد سبحان الله يتقفل من نفسه على طول . بس بعض الاطفال ما يتقفل بعد الولاده يحتاج وقت ويتصكر سبحان الله

شنطه البيبي تخلينها معاك بغرفتك وانتي تعطينهم الملابس اللي يحتاجونها في حال انك تبين تلبسينه من اللبس اللي جايبته لانه هم عندهم ملابس

احنا عندنا اللي قد اصاب بكورونا ياخذ جرعه وحده بس ما يحتاج الثانيه .
وهم تأخرو بالجرعه الثانيه لانهم كانو يبون اكبر عدد يتطعم بالجرعه الاولى بعدين يفتحون الثانيه ، سياسه للتشجيع على التطعيم لا اكثر

تدرين هي المشكله الحين مش باللقاح اثناء الحمل باذن الله مافي مضره ، بس هل مستقبلا فيه اثار جانبيه بتظهر على الطفل 🙄؟؟ هذا اللي افكر فيه

بنات على موضوع الحديد ونقص الحديد اذكر احد يقول الحديد ١٢ وناس ١٥ . تحليل الحديد نوعين :
١- تحليل cbc هذا تحليل صوره الدم ويبين فيه الهيموجلوبين والمستوى الطبيعي له يبدي من ١٢ .
٢- تحليل الفيراتين ferritin serum هذا مخزون الحديد وهو ( الأهم) مفروض يكون بين ١٥-١٢٠ .
فانا مثلا عندي الهيموجلوبين ١١.٨ ، بس قالي مخزون الدم ( الفيراتين ) عندي ٨.٥ وهو مفروض ١٥ ، قالي اذا ماارتفع الشهر الجاي الى ١٠ بعطيك حديد بالوريد .
فركزو على تحاليل الحديد وتأكدو من المخزون مو من الهيموجلوبين