عطوني ارائكم ..ندمك بعد البناء

معقول ولا وحده بتفيدني ؟؟

وعليكم السلام يا حلوه الله يبارك لك برزقك ويجعله منزل مبارك يا رب 🌹


اهم شيء السباكه تكون تمام التمام لانو غالبا المشاكل منها منن تسريب من رائحه ..الخ
تكوني عارفه مكان المغاسل اللي بتحطيها مثل المطبخ هو المهم تعرفي وين تكون مغسلتك وغسالاتك غساله الملابس وغساله المواعين ويكون لها تصريف للماء
والسيراميك والبلاط هذا على حسب في الجيد وفي السيء
المصعد ومكانه .....حتى مكان الدرج يكون مره مدروس لانو غالبا الزوايا تأخذ مساحه مثل الشقق لو في زاويه درج تصير شقه اكبر من شقه مثل بيت اهلي تصير صاله في الشقه الاولى كبير ومالها ولا زاويه وصاله بالشقه الثانيه لها زاويه واخذت مساحه وفي الاثاث راح تتعبي فيها


لو امكن لك تحطي غرفه خاصه بالغسيل افضل لك
مستودع داخل المطبخ مره حلو يكون فيه رفوف ويترتب فيه المؤن او الاغراض اللي نادررا تستخدميها


هذا اللي يحضرني الان يا حلوه 😍
لو تذكرت امراً ما طليت عليك بالموضوع

تسلمين ياقلبي ماقصرتي الله يسعدش❤️❤️🥺

الحمد لله بيتي كله عاجبني. الحاجه الوحيده اللي ندمت عليها. ان مساحة المبنى مره كبيره. يعني البيت ثار كبير علينا مره. لكن اذا عندي مناسبه ما شاء الله تبارك الله كأنه قاعه ما احس بعدد الضيوف.
برضه الرخام . بعد فتره يحتاج جلي تنظيف يعني و جبنا واحد ينظفه خرب كل الرخام ما عاد نظف و زادة المشاكل اللي فيه. اضطررت اغير كل البلاط
ف الافضل تعملين سيراميك

كان بودي افيدك لكن ماعندي بيت ملك الله يرزقنا يارب