مخنوقه اقسم بالله احس نفسي بموت من الهم

يارب ان شاء الله انه يرد على الاقل يطمنا عليه يجي العيد واحنا مرتاحين
ياخوفي نعيد بدونه الاه يهديه ويصلح قلبه ويحننه علينا

الله يصلح مابينككم
انتي لاتخافين وتقلقين مو تقولين اذا زعل اختفى كل مره خلاص لاتشلين هم باذن الله بخييير استودعيه الله وبس
ولاتحملين نفسك هم كبييير الموضوع بكبره سالفه بسيطه وغير مقصوده
وانتي ضامنه انك كل مره تتداريينه ولا يزعل لاتحطين اللوم عليك وتتعبين نفسك



ممكن سؤال كل مره يختفي تسوين كذا تتصلين وتدورين واذا رجع يدري انك اتصلتي ودورتي اولا ؟؟؟

مبسوط هو انك تلاحقين وراه حركاته مالها داعي لو اني منك اطنشه وبقوه بعد
خير كبر الموضوع كذا وانتي كمان مكبرته مره مصيره يفتح جواله ويرجع يعني ما سويتي مصيبه تستدعي هذا كله لو كل وحده ما ردت على زوجها او طنشته شوي سوى كذا محد جلس فبيته والكل شارد
معليش خلي انتي اللي عقلك كبير وطنشي وبعض الرجال ترى يوصي اهله انه ما يعلمون حرمته هو وينه وبعضهم ما يصدقون على الله تلاقي يقولهم بأدبها او ابغى اسوي فيها مقلب يعني فيه كذا عذر يقولهم عليه
بالله عليك انك تطنشي زي ما اهلك طنشوا لان شايفين الموضوع سخيف من سخافة موقف زوجك صراحه
الله يعينك عليه اذا كل ما زعل سوى كذا ويسخره لك يارب ويبرد قلبك

ايوه كل مره اتصل وارسل ويشوف رسائلي بعد فتره ممكن اسبوع او اكثر انا خلاص قررت اتركه مع نفسه لأني والله تعبت محروق قلبي من تصرفه اتوقع حتى العيد مايتعيد معانا دامه للحين مايرد واضح انه اخذ الموضوع على انه تحدي وزعل وبيطول في زعله

لا مو موصي اهله امه تدور عليه وكلمت خاله يدور عليه وهو ولا همه أحد زوجي قضى ٦ ايام في مستشفى قبل ومحد يدري عنه يغيب والكل يسأل عنه في النهايه أمه تعبت منه وحتى هي صارت تتحاشاه بسبب تصرفاته اليوم ماخليت أحد ماسألته عنه ومحد يدري عنه اتصلت وارسلت لحد ما انفجرت وتعبت فرشت سجادتي ودعيت الله باللي في قلبي وطلعت رحت بيتي ومالقيت له أثر وخلاص ماعاد برسله ولا اتصل عليه بمسك نفسي عنه وبشغل نفسي بأي شي يلهيني عن التفكير نسيت حتى نفسي وعيالي وانا ادور رضاه وودي بس اتطمن عليه لاكن هو مايقدر شي يمكن حتى العيد مايجينا ولا يعيد معانا صرت اتوقع منه اي شي