مخنوقه اقسم بالله احس نفسي بموت من الهم

👍

اي شيء بخاطريك ادعي فيه ادعي ادعي ادددددعي الدعاااااااء نعمه كبيره قولي اللي بخاطرك الله يقربك منه ويفرجها ثقي بالله واعزمي وتوكلي عليه وابشري بكل ماتتمنينه واكثر واجمل

نصيحه من اعماق قلبي.
اقري سورة البقره يومياً وشوفي نفسيتك كيف تتغير
اذا صليتي الفجر اجلسي ع سجادتك واقريها
بركه بكل شي.
لا يفتر لسانك عن الحوقله واستشعري معناها
( لا حول ولا قوة الا بالله ) لا تحول من حال الى حال الا بقدرة الله سبحانه وحوله وقوته. لا تحول من عسر ليسر الا بالله سبحانه
لا تحول من هم لراحه وفرج الا بقدرته وقوته سبحانه ،


اشغلي وقت ونفسك بكثرة التسبيح الاستغفار
وخصصي وقت لصلاه على الرسول صل الله عليه وسلم ،
اذا طبقتي هالاشياء بتلاحظين نفسيتك كيف تتغير وبتتوازن نفسيتك وبتقدرين بإذن الله تتغلبين ع الامور الصعبه
وبتنحل بإذن الحي القيوم
وامورك بتتيسر بإذن الله سبحانه.
انتبهي لصحتك ولا تعذبين نفسك واحرصي ع صحتك لنفسك ولعيالك

لاحول ولاقوة الا بالله ...
زوجك إنسان عديم مسؤولية مررة..ولاهو حاس بمسؤولية تجاه بيته واطفاله ويتعامل معاملة مجنونة مع مشاكله...
حقيقة انتي في كربة والحياة صعبة جدا لما يكون احد الزوجين مجنون و غير مبالي ...
بس بما إنه هذا طبع زوجك ماهو حاسب لأحد حساب وعادي يترككم بالشهرين لاخبر لاسؤال لا مصروف...
ويمارس عدم المبالاة وهذا الجور عليكم يفترض انتي تغيرتي وصرتي فاهمة اسلوبه ..وتكوني مأمنة نفسك في حال ترككم كالعادة
ضروري تدبري لك وسيلة رزق تتعيشي منها ان شاالله لو تجمعي لك فلوس لما يكون معاكم وتخبيها من وراه للايام السودا هذي
ثانيا اكبر ظلم لنفسك تعيشي القلق والخوف عليه وتتعب نفسيتك وهو مبسوط ... هاجركم عشان يسلي خاطره ،،،
ما سأل على اي حال انتم جوعانين شبعانين مرضى.. بخير
رامي عياله ع الغير وهارب يستجم !
وش هذا الانسان العجيب


اتفهم شعورك وقلقك لكن انتي بعد فكري بنفسك شوي وفي اولادك تستحقون يسوي فيكم كذا ؟
كان يزعل يخاصم يهاوش بس يترك زوجته وعياله ويهج وش حركات الجنان والبرود هذي ؟
هدي من روعك وقلقك واستمري على الذكر والدعاء وسورة البقرة حتى نفسك تهدأ وتتوازن نفسيتك ...
ولو عندك فلوس ابسطي نفسك ودلعيها واستقبلي العيد مع اطفالك وانتي راسمة البسمة
ليش هو من حقه بس يعيش
وانتي لك القلق والحرقة ؟؟؟؟!
طلعيه من بالك وانبسطي بالعييد وابسطي عيالك ...
ذا حتى لو قلنا جيبوا له احد يناقشه ويوقفه عند حده ماراح تطلعون معاه بنتيجة دام هذي المعاملة ماشية عالجميع حتى امه واهله ...
فما قدامك غير تلجئين لله وتشكي له الحال + ابدي ارسمي لك خطط في حال كرر حركته ومشى ... اقلها يكون وضعكم طيب وعندك مصروف وهو بسلامته.. درب السلامة ...

اما البكاء والدموع والقلق ماراح يجيب لك اي نتيجة الا يمرضك
ودامه راح برضاه وإرادته فإنتي كفي يدك عن الاتصال والبحث وراه وعيشي طبيييعي وانسيه ...
خصوصا انه يكرر هذي الحركة كثير فالاحتمال الاقوى انه كرر الحركة ليغيضك وخبرك مريض حتى يزيد قلقك والله اعلم
الله يفرج همك ويصلح حالك ويغيره الى افضل حال ..ازعجني وضعك جدا ....

لو ماعندك اللي يكفيكم من المال عادي استلفي من اخوانك واخواتك ولاتخجلين
انتي مبتلاة بزوج ماهو حاس فيكم ....

استلفي اللي يكفيكم وغيري جو ع اطفالك بالعيد لو لسى مارجع ...
واسأل الله يطمن قلبك ويريح عليك وتسمعي مايسرك

لازم اهلك يتفهموا وضعك وحالك ...وتكلمي لاتنتظري احد يحس فيك من حاله ...كل انسان وعنده مايشغله من امور الحياة