السلام عليكم و رحمة الله و بركاته
كيفكم جميعا 🤝
موضوعي بخصوص التقديم على مستشفى التخصصي و الحرس الوطني لعلاج تأخر الانجاب و عمليات الحقن المجهري
الموضوع جدا بسيط و أتمنى الكل يستفيد منه لإن العمليات جدا غاليه و مرهقه نفسيا و جسديا و ماديا لكن الحمدلله مدام موجود مجاني وحكومي نقدر نتعالج فيه حتى لو تأخر بداية العلاج بالكثير 6 شهور و هي تعتبر بسيطه بالنسبة للتكلفة المادية
أنا جربت تخصصي جدة و كان ممتاز و نجحت بعد فشل 6 عمليات فالخاص الحمدلله حصل حمل لكن جاتني ولادة مبكره ،،
و الآن اراجع في تخصصي الرياض و أيضا جدا ممتازين و أسرع فالقبول
الخطوات 👇🏻
أولاً .. التقديم على الموقع الالكتروني لمستشفى التخصصي و هذا رابط الموقع Ehalat 1.0 | تسجيل دخول
تدخلي تسجلي هويتك و تاريخ الميلاد و بعدها تجيك رسالة على جوالك المسجل فأبشر و تدخلي للموقع و تختاري طلب علاج و بعدها تجيكصفحة تحتاري فيها المدينه اللي تبغي تعالجي فيها جدة او الرياض او المدينة
و يطلب منك تقرير طبي لحالتكم باللغه الانجليزية تأخذيه من اي دكتور انتي راجعتي عنده و صور لتحاليلكم انتي و زوجك و صور للهوية وكرت العائلة و أيضا تطبعي نموذج العقم تلقيه فالموقع و تأخذيه لدكتورك يعبيه لحالتك و أيضا لدكتور زوجك و يعبيه كمان و بعدها ترفقيه 🖨
ثانيا ….. تنتظرين يومين بالكثير يجيك رد بالقبول أو الرفض و يعطونك موعد خلال شهرين ..
🙂الموعد الاول تاخذي اوراقك كلها و تقابلي الدكتور يعمل لكم تحاليل و اذا زوجك يحتاج تحويل للذكوره
و تبدئي مرحلة العلاج ممكن من شهر الى 6 شهور بالكثير ..
📍📍انتباه ،،، جدة بعد الموعد الاول عملنا تحاليل انا و زوجي و اعطوني موعد ثاني بعد أسبوعين و قرروا لنا حقن مجهري و قالوااتصلي كل دوره نشوف نقبلك او لا و جاء القبول بعد 6 شهور …
📍📍الرياض ،،، الموعد الاول كان فمستشفى الدارة تابع للتخصصي و بدأت العلاج على طول بس انا حالتي كانت اني اخذ علاج وقفالدوره 3 اشهر و المفروض ابدأ بعدها اعطاني موعد بداية علاج بس عمل لي خزعة لبطانه الرحم و كان فيه التهاب و اخذت مضاد ووقف ليالدوره كمان 3 اشهر و اعطاني موعد و بدأت العلاج الحمدلله (( اللي عرفته انهم يبدأون العلاج على طول لكن المره الثانيه يكون بالاتصالكل دورة و الله أعلم ))
شروط التقديم اللي اعرفها كانت العام
ان العمر مايزيد عن 37 سنه
و ماعندك اطفال او طفل واحد فقط
لكن انتي مو خسرانه شيء قدمي و الموافقة تجي خلال يومين خصوصا انه الكتروني
قابلت كثير فالعيادة واضح اعمارهم كبيرة بس ماسألتهم كم 🤭
راح أحاول أرفق نموذج العقم و أيضا الورقة اللي فيها الطلبات
أيضا اللي عندهم أمراض وراثيه يعالجونهم حتى لو عندهم أطفال
📍📍📍📍📍📍📍📍📍📍📍📍📍📍
بخصوص الحرس الوطني اللي هو مدينة الملك عبدالعزيز الطبية فالرياض فقط و يقبلون حتى العاديين مو شرط عسكري
هذا رابط التقديم
https://ngha.med.sa/Arabic/eServices/Pages/medalg.aspx
أيضا الدخول عن طريق حسابك في أبشر
ترفقي تقاريركم فقط وبدون نموذج من عندهم و يجيك القبول خلال اسبوع الى اسبوعين و يحددون موعد و بعدها تبدأون بس مشكلتهميتأخرون فالمواعيد توصل لسنة
انا قدمت فالاثنين و موعدي فالتخصصي كان قبل و بدأت معهم ..
ملاحظة 📝
التخصصي كل مستشفى مستقل يعني تقديمي على الاثنين كل واحد لوحده ماكان فيه علاقة بينهم
و أيضا الحرس قدمت فنفس الوقت و عادي قبلوا و أيضا سمعت مستشفى العسكري فالرياض يعملوها للجميع بس طريقة التقديم ماأعرفها
و أسفة على الاطالة بس حبيت تستفيدون
و أي سؤال أنا حاضرة 🤗
راح ارفق الاوراق
وأيضا راح انزل طريقة تقديم تحمل تكاليف العلاج على وزارة الصحة
و الله يرزقنا جميعا و دعواتكم لي بنجاح عمليتي و اجي أبشركم انا الان عملت السحب باقي الارجاع خلال هذا الاسبوع 🥺😘
موضوع مثبت