السلام عليكم
كيفكم عساكم بخير
انقطعت عنكم مع الزكام وبعدها رحت لاهل زوجي وقبل ٥ ايام رجعت لبيتي ومن رجعت وانا مشغوله بعد حوسة العمال اشغال جبس وجبت عاملات ساعدوني بالتنظيف ولا فيه فايده مو راضيه تنظف الارضيات بعد حوسة الجبس وحاليا مرحلة الفرش
اجهدت نفسي هالايام خصوصا الدرج اضطر اطلع وانزل كم مره باليوم ومن كثر الشغل يجيني شد برجلي اليسار من الداخل من عند المهبل للقدم مقدر امشي منه مايروح الا بعد ما ارتاح كم ساعه واول ما اشتغل يرجع بس هانت ماباقي شي
والتجهيز طلبت قبل ارجع بيتي من سنتر بوينت برباتوزات ( من ٠-٣ ٦ حبات و من ٣-٦ ٦ حبات ) وطلبت منشفه كبيره ومجموعة مناشف صغيره وبطانيتين وحده خفيفه ووحده ثقيله ومهاد ٢ اللي يجي لصق ووصلت امس الطلبيه
الافرولات بطلب من نكست اخترت وخلصت بس انتظر نخلص من اساسيات البيت واشوف على حسب الميزانيه اذا باقي شي بطلب هالايام واذا لا بخليها للراتب الجاي
وباقي الاغراض من مهادات خفيفه وصدريات وقبعات ولبس الاستقبال للبنوته بطلبهم من بات بات واغراض الصيدليه من اي هيرب او ممز ورلد عاد يبقى اغراضي مدري متى بخلص ودي اخلص قبل ادخل الثامن واغسلهم اول باول واجهز الشنط لان بولد عند اهلي بروح لهم بداية التاسع نويت اولد فبيتي بس ماعندي احد من اهلي قريب ولا من اهل زوجي انا فمنطقه وهم بمنطقه ثانيه
الله يسهلها يارب
....
الجوري الحمدلله على سلامتك والله يطلع ولدك بالسلامه ويقر عينك بسلامته
أم فارس الله يعينك ويتمم لك حملك والله يكتب لك اللي فيه الخير ويشفيك من الالتهاب
التجمع السادس عشر لحوامل شهر ستمبر (9)& أكتوبر (10) 2021 💙💗
متابعة النقاش، صفحة 181