تباشير 7️⃣لمواليد💕 يوليو واغسطس💕 2021💕

مجتمعنا فاضي وأمخاخهم فارغه ويحبوا الهرج الي ماله داعي ويتدخلوا في شؤون الناس والقيل والقال وما تهمهم مشاعر أحد فيضايقوا الي حولهم بكلامهم..

آمييييين يارب 💗
.
في المقابل الأجهزه هذي وعتنا احنا الأمهات بأمور التريبه عكس أمهات زمان <<< الله يجزاهم خير.. هما سوا الي يقدروا عليه والي متوفر في زمانهم..
.
لكن دحين الأمهات تلاقيها تهتم موش بس بأكله ولبسه ودراسته صار الموضوع يحتاج تهتم بنفسيته واهتماماته ومصاحبته وموضوع الحوار جداً مهم ي بنات..
صحيح البعض يشوف هذا الشيء متعب لكن صدقوني نظرة وصبر الناس مختلفه لموضوع التربيه لأنه البعض ما يشوفوه هم وثقل على صدرورهم بالعكس تشوف التربيه فيها متعه وبعض من التحديات << لكن احزن على الي كدا لمن تجتمع مع الناس تسمع كلام يسمم وممكن تتأثر ..
.
.
وسبحان الله طاقاتنا وصبرنا يختلف من وحده لوحده.. البعض عندها صبر تروح دوام وهيا أم وعندها زوج وبيت والبعض ما تقدر.. <<< فتجي الي ما تقدر وتنتقدها او تحزنها على حالها انه تعب وكدا <<< يختي ايش دخلك يمكن هي تقدر صبرنا على أمور الحياة يختلف من وحده لوحده..
.
زي نشوف البعض تقدر تصبر على سواليف الحريم الكبار في السن <<< أشوف انها صبوره جداً 😂
.
والبعض عندها صبر على الأطفال وكمان مبسوطه معاهم ..
.
والبعض عندها صبر على الوظيفه ..
.
والبعض عندها صبر على الالم فتقدر تولد بدون تدخلات طبيه <<< طبعاً انا موش منهم 😂..
.
والبعض هي تحب وتعشق جلسة البيت لو تمر أسبوعين وما شافت الشارع عادي مبسوطه <<< فتجي ثانيه وتقول يالله مسكينه صبوره 😂( تراها مروقه) بجلسة البيت ..
.
وفي ناس تقدر تصبر على سواليف الحريم حق القيل والقال <<< انا مررره مااقدر وممكن تلاقيني ادافع على الي قاعدين يحشوها وانا مااعرفها 😂 بس كدا شعور بالعداله لأنها مو موجوده الأدميه وقطعوها تقطيع <<< فماعندي صبر على هذي الأمور..

يالله نفسسس حركات بنتي الصغيره 😂😂 مررره ما تبغى الولد.. وتحسب في البدايه انهم بنت وولد.. لين قبل أسبوع خلاص عرفت انه ولد وصارت تضرب بطني وتقولي يع مااحب بيبي بوي ابغى بيبي قيرل

ذكرتيني لمن كان عندي بس بنوته وحده وكملت سنتين تخيلوا داخله فرح وجايه اسلم على الحريم.. تجي وحده من الحريم الكبار في السن وتحط يدها على بطني تقولي ما عندك صغير يعني انه حامل ولالا 😂 هي تبغاني احمل غصب وانا حتى نحيييفه يعني مرره مافي ولا نقطة كرشه بس مشيتها عشان حرمه كبيره 😩 وما حملت الين كملت بنتي ٤ سنين..
.
وعاد الي يحددوا جنس الجنين انه خلاص عندك بنت يلا جيبي ولد والي عندها ولد يلا جيبي بنت وهكذا..
.
والي ما عندها ولا طفل يستلموها برضوا <<< ما يخلوا أحد في حاله.. 🙂

وكمان ممكن تسبب نزيف بعد الولاده <<< على كلام المختصه الي اخذت معاها الدوره..