شاركي في النقاش

سجلي الدخول لإضافة تعليق.

التعليقات

390
  1. @aaoatf_trky_2

    الله يعينكم على وقفة يوم الحساب لحظة تسألون عن الكلام اللي كتبتوه
    هل رأيتوهم بأعينكم ؟ هل سمعتوهم بآذانكم ؟ وجوابكم يكون لا
    مدري على اي اساس تحطون في ذمتكم كلام يمس اخلاق وحياة الآخرين
    رجال جاها من الباب الكبير امام الله وخلقه ووافقت واخذها على سنة الله ورسوله معلن لا بالسر ولا بالدس ولا بالحرام
    الله يوفقهم ويبارك لهم ويكتب لهم الخير دامهم بالحلال
    وتذكروا ان البيوت اسرار محد يعرف اللي يحصل خلف الابواب المغلقه
    وهي لمحت بكلامها انها غير سعيده وفي مشاكل وهي صبرت عشان البنات ثم خلاص قررت الانفصال
    والانفصال لا هو حرام ولا عيب بل حق مشروع لها ولغيرها اذا ساءت العشره
    اما سالفة انها تطيح من عيونكم ومدري ايش والله ما يهم ولا يغير شي بالكون ان بقت ولا طاحت
    كلن له رب يحاسبه والمسلم من سلم الناس من لسانه ويده
    وتذكروا ان الدنيا دواره وكما تدين تدان لا تخلون بعض الكلام اللي ماله داعي سهل تعلكون فيه حتى لو انه يطعن في اخلاق وشرف الاخرين وتذكروا انه دين في رقابكم تحملونه الى يوم الحساب والكاس اللي شربتوهم منه راح تشربونه في يوم ما وتذوقون نفس المرارة
    الله يهدينا ويصلحنا اجمعين

تابعي تجارب أخرى من هذا القسم.