التجمع السابع عشر لحوامل ستمبر (٩) & أكتوبر (١٠) 2021💙💗

ان شالله يارب

ياحياتي الله يجزاك كل خير

يجنن ادموقع. حيل كل شي موجود فيه حتي المواعين والشمع الهبه الملون والقواقع
يعني انا طلبت اشياء ماتوقعت بتوصل سليمه وكل المحلات المعروفه مثل زرار ومدام كوكو موجود
اتهنين يارب باللي بتطلبينه

امين .. الله يقر اعيننا ويفرحنا بسلامة اجنتنا وسلامتنا يارب العالمين❤️❤️


يابنات سبحان الله هالشهر اللي قعدت فيه بالمستشفى شفت فيه العجب حالات شبه يوميه ..
انا بغرفه خصوصي والغرف اللي يميني ويساري اسمعهم عدل يعني كأن مابينا طوفه
فلما يدخلون الدكاتره عليهم اسمع شرح حالتهم وجذي
وحده مرارتها شابه عليها وهي حامل ، ووحده تسمم حمل ضغطها مرتفع وولدوها قيصري نص الثامن ، ووحده ساقها منتفخه وطلع فيها تجلط بالساق وهي حامل ، وهكذا
اكثر موقف اثر فيني حيل ، بعد دخولي للمستشفى باسبوع صرت اسمع وحده تصيح ٢٤ ساعه متخيلين!! بالبدايه توقعت وحده تولد وادعي لها لان صياحها يعور القلب💔
استمر الموضوع وطول وصار ٣ ايام فسالت السستر عنها وقالت لي هذي وحده كبيره بالعمر ٧٠ سنه والله يكفينا الشر فيها الخبيث ومركبين لها بربيش بكل مكان وتعبانه حيل
قلت طيب عطوها مسكن حرام مسكينه😭
قالت يعطونها بس مايكفي لاحول ولا قوة الا بالله
فتخيلو والله العظيم انها صياح متواصل ليييين قبل اسبوع فقدت صوتها سالت السسترات قالولي توفت😭😭
هي بالغرفه اللي يساري بالضبط تخيلو
والله يابنات قلت معقوله ملك الموت كان مار في الممر اللي فيه غرفتي واخذ روحها وهي بجنبي يااا الله شعور يخوف يخوف


فعلا اللي قالو تبي تعرف قيمة العافيه خذ لك لفه بالمستشفى وراح يهون عليك كل شي
عسى الله يرحمها ويغفر لها يارب ويرحمنا اذا صرنا الى ماصارو اليه🙏🏻

يعمري انتي م شاف مصيبة غيره هانت عليه مصيبته 🥺الله يقومك بسلامه ويحفظلك حملك بشري دخلتي السابع؟

الله يعينك مالك الا تستمري الكبده والطماطم اكليها يومي ترفع الدم والملوخيه بعد