التجمع السابع عشر لحوامل ستمبر (٩) & أكتوبر (١٠) 2021💙💗

اشوف بعض البنات يشربون قنينتين منه
عاد اقول لزوجي انا بشرب يوم وحدة ويوم ثنتين
قال ماشاء الله وصفة اي طبيب هذي 🤣🤣🤣

عند اي مستشفى حجزتي ؟
اذكر قبل سويته بولدي الرباعي وكان سعرها جدا غالي بالموساه

صبحكم الله بالخير والسعاده 🤍🤍

اسم الشراب freplex كل جرعه بعلبه صغيره ، الدكتور قالي اخذ ثنتين باليوم ولافضل ما تاخذينهم مع بعض عشان يمتصهم جسمك افضل . وحاولي تشربين معاه عصير برتقال يساعد بالامتصاص

اول شي الله يعطيك خيرها ويكفيك شرها ، العماله حظ زي الجح يا تطلع زينه يا شينه الله يسخرها لك .
اكبر غلط انك تعلمينها الدلع من البدايه العماله ماتنعطى وجه ابد .
المفترض تعلمينها انه لها ساعات معينه تستخدم جوالها مو بكل وقت لان عندها مهام مفروض تنجزها.
ماينفع تقولين لها كلي من الثلاجه اللي تبين وانتي ماتعرفين شخصيتها يمكنها آفه وتشوف النعمه تصير زي المشفوحه وتنسف لك الثلاجه نسف 😂 من تجربتي مع العاملات بعضهم وش حليلهم مهما قلتي لها لا تستحين خذي تستأذن وبعضهم لا والله أجبرتني اني اخليها تشتري اكلها من مصاريفها لان ثلاجتي ما يبقى فيها لاخضره ولا دجاج ولا لحم .
اذا نظفت وماعجبك تنظيفها لازم تخلينها ترجع انظف زي ماتبين ، وطولي بالك عليها . وبتشوفين ترجع تنظف على مزاجها بتختبرك اذا بتمشين لها وماراح تقولين شي ، نصيحه خليها ترجع تنظف زي ماقلتي لها .
امسكي العصا من النص لا ترخين ولا تشدين ، بس البدايه لازم تخلينها تعرف القوانين وتلتزم فيها ، الى بعدين انتي بتكتشفين شخصيتها وبتشوفين اذا هي حليوه ،امينه ،ماتزعل على اي شي ، نظيفه بنفسها وبشغلها.