تباشير 8️⃣ لمواليد💕 يوليو واغسطس💕 2021💕

هيجيز روعه صراحه وبامبرز برضو كانت بنتي تتصلخ منها لدرجة ينزل الدم!!وجلست شهور ف الاخير طلع البلا من نوعزالحفاظ لما غيرتها اختفت التصلخات

بيبي جوي ماقد جربتها

كويس اجل ان شاءالله مناسب المقاس

ياقلبي اسمعي كلام الصيدلي لا تاخذي أدويه
.
الي تمروا فيه طبيعي
..
من بعد ما جربت الاثنين الحمل والنفاس..
..
تجيني الضيقات في الحمل لكن ما تطول يعني يوم يومين بالكثير واليوم الثالث نفسيتي تصير تمام .. ولاحظت نفسي اني من الناس الي تتحسن نفسيتها بجلوسها لوحدها بعيداً عن الناس..
.
لكن النفاس أعوذ بالله 😂 والله ماانسى لأنها كانت خمسه شهور كآبه وحزن وبكاء وأفكار خايسه كلها موت وكدا..
.
كل تجربه يمر فيها الإنسان يقدر بعد كدا يتجاوزها بسهوله <<< كلامي حالياً وانا لسى بكرشتي 😂 لكن مجهزه نفسي لسماع القرآن بإذن الله وقراءته يومياً عارفين ايش يعني يومياً ؟؟ موش يوم وتتركروا + جهزت لي كتب كعون زياده..
.
بالرغم اني شايله هم اتنفس عند اهلي.. لأنه أعرف النافس في هذي الأيام تكون هشه من داخل وتحتاج أحد يقويها أو تكون لحالها وهي تقوي نفسها بنفسها لكن لحد يحطها مع ناس تضعفها زياده.. <<< حيكون صراع نفسي قوي بالنسبة لي.. بس يارب يقويني..
.
وحاولوا تحاربوا الأفكار حتى لو تدخلوا مقاطع على اليوتيوب وتسمعوا عن هذي المواضيع.. وبعد أسبوعين أمشوا وأخرجوا وغيروا جو .. وبإذن الله أموركم تتحسن..
.
أدري الأمور تكون جداً ملخبطه في البداية أول شهر وكدا.. لكن قولوا الحمدلله انها جات في اجازه صيفيه .. تخيلوا لو ولدتوا أيام مدارس وحوسة التدريس مع نفسية النافس وبيبي جديد يحتاج أغلب وقتك وطاقتك؟؟ ..
.
فحاولوا تشيلوا الأفكار هذي من رأسكم وتقعدوا مع ناس فرفوشه وونسه واسمعوا القرآن وقوي نفسك بنفسك.. وحتعدي الأيام ..

وصبحكم الله بالخير💖🤍






بنات لازم مانستسلم لاي شي يدور بعقولنا ونتعوذ من ابليس ونحاول مانخلي اي شي ياثر ونقنع انفسنا انه هذا شي قادرين نتغلب عليه



انا مجربه حملي هذا اعوذبالله مادري هو اكتئاب هو ايش!دايم تتردد علي افكار اني احس بموت بيصيرلي شي وقت الولاده النونو بيصير شي اجلس اهوجس باشياء اعوذباللله🥺
واحيانا اقول اشفيني!واتعوذمن ابليس


صرت لاجت الحاله ع طول اقول ادعية الهم والتفريج واستغفر واحوقل وفعلا هالشي الحمدلله كان له اثر خفف عني

ايوووا صح بنات كمان خذوا فيتامين دال <<< صديقة ليا كان عندها كآبة النفاس ويوم أخذت حبوب فيتامين دال راح منها ما شاء الله