تباشير 8️⃣ لمواليد💕 يوليو واغسطس💕 2021💕

عليكم السلام ورحمة الله
سلامتك لابأس عليك💐❣️
اهم شي ارتاحي اذا فيك صداع او حرارة بنادول الازرق حق الحوامل كل اربع وست ساعات على حسب وضعك
فيتامين سي وعسل طبيعي
والزمي الراحة مرة مرة لأن العظام تندق وترهق كنت اقوم امشي ابي اتنشط واثري اتعب مرة وعقب صرت بس اتسدح
وان شاءالله ماتكون كايدة بس اذا حسيتي بضيق نفس علطول الطوارئ لأنه ينقص الاكسجين لكن بإذن الله تمر عليك خفيفة وتعدي...
بعد عشر ايام من التحليل تتغير الحالة لمحصن متعافي..
اذا جتك الولادة لاتنتظرين اسعاف طوالي انتي للطوارئ وعندهم احتياطات...

هههههه يبيله وقت تعرفين وهي تعرف تمسك زين بس بإذن الله تتسهل

بسم الله

حددو لي العمليه ١/١٢/١٤٤٢ ..

اتصلو علي يوم السبت الصباح قالو الحضور ع الساعه ٨ المساء

جهزت شنطتي وكل شيء
ع الساعه ١١ رحت لهم ودخلوني جناح التنويم

طبعاً في غلط سويته يوم السبت م اكلت شيء من القلق والتوتر انسدت شهيتي وذبحني الجوع الليل كله قبل العمليه وبعدها
بس قبل الساعه ١٢ جابو ساندوتش جبن وعصير وقالو خلاص صيام من ١٢

صليت الوتر ودعيييت ربي وقريت ورد الولاده واستغفر واذكر الله كثير

واحاول انام ماقدرت للفجر انتظر الساعه ٨

الصباح ع الساعه ٦ اخذو اللي جنبي عمليتها قبلي
(وادعي لها وادعي لنفسي ) نقوم ب السلامه

تأخرو ماجو اخذوني الا ع ٩ ونص 💔

وهما يسحبوني بالسرير لغرفة العمليات ادعي ربي
يارب انا تحت رحمتك قومني بالسلامه يارب سهلها لي ويسرها واكتب لي الفرج ع طول ع لساني


والله ي بنات فرق بين عملياتي اللي قبل اكون متوتره وانتفض من الخوف وانا رايحه للعمليات لانها تكون مستعجله وطارئه عمليتي
عكس هذي ف انصحكم ب الدعاااااااء لايفتر لسانك عن الذكر ابددداً

التوتر خفيف الحمدلله
المهم دخلوني و ركبو لي القسطرة

بعدها دخلوني العمليات وللحين مرتاحه شوي التوتر خفيف
جلسوني ع السرير واعطوني المخده
وشفت الدكتور مصري وكبير ب السن تطمنت شوي

بعدهاااا !! جاء شاب متدرب هو اللي بيعطيني ابرة الظهر 😱
هنا خفت وبديت اتوتر
والله ي بنات بدون مبالغه جالس يحاول اكثر من ربع ساعه يدخل ويطلع بالابره مو عارف
انا خلاااااص توترت والتفت ع الدكتور المصري وببكي قلت ي دكتور خلاص تعبببببت انت حط الابررره

هو شافني ببكي 💔😂 وجاء وحطها ماشاء الله ماخذ حتى ٥ ثواني
والله رفع ضغطي مو وقت تدريبببب

ف انصح لو شفتو متدربين ارفضوووو من حقكم هذا جسمكم وصحتكم ماتسلمونها اي احد

الحمدلله بعد الابره ع طول حسيت ب البنج بدا مفعوله

باقي خوف واحساس انهم يشقون بطني وتذكرت انثى لمن قالت رفعت رجلي 😂 واروح اجرب وارفع رجلي وترتفع 😂😂💔

وانشب للدكتور والله انا احس باقي لايشتغلون 💔😂
الله يسامحني كثر ماجننت دكتور التخدير
ددددعيت له طول وقت العمليه لما خلصت واقف فوق راسي وماسك يدي ويطمني ويسولف علي عشان يضيع الوقت حتى علمني ب اسماءبناته وين من مصر 😂
الله يسعده

نرجع ل المهم ..
بدأو يشتغلون وانا ادعييي لاولادي وزوجي ونفسي
واهلي
واللي اعرفهم ب الاسم ماربي رزقهم ب الذريه
واستغفر سبحان الله ماحسيت بالبرد والنفضه يعرفونها صاحبات النصفي حسيت الدعاء واذكر ع لساني هو جاب النتيجه

شويات واسمع بكاء النونو 😭😭♥️♥️
اهخ يارب الله يرزق كل محرومه اللحظه يارب وكل من تتمنى 🙏♥️

ومن طلع حبيبي وعيني عليه ودموع مع ابتسامه يارب وانسى العمليه وانهم يشتغلون
وجابوه عند وجهي قبل ياخذوه الحضانه ♥️

والحمدلله طلعت للإفاقه وجلست ساعه وطلعوني للتنويم

طلعت الساعه ١ الظهر التنويم
الساعه ٧ قالو اشربي مويا لو ما استفرغتي عادي تاكلين

الساعه ٢ الليل فكو القسطرة وبعد ساعه طلبو مني اقوم
اصعب لحظه هذي بس الحمدلله ربي يساعدنا



فيه كم نقطه بنصح صاحبات القيصري

• اول مادخلت قلت ابغى كمامه عشان انام وما احس فيهم

رفض دكتور التخدير قال بعد مايطلع البيبي نعطيك ، بعدين جاء بيعطيني حسيت اني ما احتاجها ورفضت واحسن شيء سويته صاحيهمافيني دوخه بعكس لو اخذتها كنت اتعب منها 👍🏻

• كمان اكياس اليانسون فادتني ( اخذت اكواب الكرتون وغلاية المويا صغيره واطلبهم يعبونها لي ريحتني كثير ..

• انصحكم بالمشششي المشي هو علاج الجرح ل القيصري

انا ما استخدم اي شيء فقط مسحه طبيه وتجفيفها
وما اخلي المويا يجيها حتى لو قالو غسلوها اشوف اسبوع افضل مايوصل الماء الجرح
وقت التحمم احط فوطه عليها

• فقط المسحه الطبيه 👌🏻

والحمدلله رب العالمين ♥️

ماتشوفين شر يارب قدامك العافيه ان شاء الله انا صابتني باول يوم بالتاسع الحمدلله على قضاءه وعالجتها بالبنادول وعصير البرتقال والليمون اهم شي نفسيتك نفسيتك نفسيتك هي العلاج صابتني بوقت كنت مرعوبه اصاب فيها وخايفه تجيني الولاده وهي فيني وخوف على البيبي بس الحمدلله راحت وبقى شي بسيط من اعراضها الشم والتذوق ولسى ماولدت بعد 😂 بعد ١٠ ايام بالضبط من تحول حالتك لمصاب تتحول لمحصن متعافي ولاتخافين قدامك العافيه يارب واذا حسيتي بشي روحي الطوارئ وخبريهم قبل تدخلين انك مصابه ومواعيدك اجليها لبعد ١٤ يوم بالضبط وماتشوفين شر

بنات الله يهديكم وش كرشه ماكرشه وانتم بنفاس!!!!
عضلات واعضاء وجلد متمدد على طول ٩ شهور تبون كل شيء يرجع مكانه بشهر ولا اسابيع !!! اذكروا الله وتغذوا زين والطبيعي البسوا مشد ورضعوا طبيعي وبعد ٣ شهور احكمي على نفسك - ماعليكم من كلام الناس واولهم الزوج 😠على اساس اجسامهم بيرفكت انتم ع الاقل بعذركم وترى كل حمله غير بالنسبة لرجوع البطن . ماتخيلني زود على هرمونات النفاس وتعب المولود افكر بترجيع كرشتي😂 ركزوا على تقوية عظامك وحليبكم والباقي مقدور عليه