تباشير 9️⃣ لمواليد💕 يوليو واغسطس💕 2021💕

بعد كل رضعه.. أو كل ١٠ دقائق
حطيها ع كتفك مده طويله و تشوفه طلعت الهواء

جلسي في وسادة خاصه للرضاعه و ظهرك مستقيم ع جدار أو كنبه أو وسادة قويه و راسك مرفوع.

اشتري وحدك من الصيدليه.. أو استشيري الدكتورة تسويله فازلين او زيت زيتون أو أي زيت.

انا امي كانت عمليه آخر ولدين.. تسويله زيت زيتون
.
العمليه تنفعها المشي والاكل الصحي..

وعليكم السلام ورحمة الله وبركاته
وين هالغيبه
منوره

للامانه ماقريت شي ماشاءالله وصلتو للتباشير رقم 9 الله يجعلها تباشير السعد وعقبال البقية يارب على خير
ولادتي كانت شبه مأساوية وللان كل مااتذكر احس كابوس الحمدلله بس عدت وانتهت على خير
لان المشيمه نازله وحصل نزيف ولما فتحو بطني لقو البيبي معترض جاي بظهره مكان العمليه 😩 وتسبقه المشيمة شبه منفصله
العملية من 7 ونص لين 10 ونص طولو وبطني مفتوح عشان كذا تعبت جددددا من الغازات والقومة والقعده

والان لي 14 يوم
طيبة يارب لك الحمد
بطني كان صاير الوان بنفسجي واحمر واصفر من قوة الضغط ومحاولة تعديل البيبي وبطني مفتوح 😫 بس وقتها ماكنت احس بشي الحمدلله ع نعمة التخدير
نروح للاكشن وترا شوي موجع اللي تخاف لا تقرا 🤚🏻
جيتهم بالليل الساعه 12 وجاهزه معاي عصيري وكيك ويالله من فضلك > يقالك بروق قبل مايمنعوني من اي شي 🤒
طبعا جيتهم الظهر وعلموني مكان غرفة التنويم ف لما وصلت بالليل فتحت باب الغرفه الا الاقي رجال وزوجته كل واحد ع سرير ويسولفووون 🤨😰 وانا اطبع الباب خفت ههههه ورحت للممرضات اقولهم وطبعا ع طول طلع الرجال ويعتذر وعيونه بالارض
ووقفت بالممر والله مادخل الغرفه سلامات السرير مجهز لي وهذا جالس فيه خير قروشت الممرضات يحاولون يسكتوني لان ياويلهم شلون طلع زوج المريضة نص الليل بقسم النساء
وارفض رفض قاطع وتجيني ممرضه سعوديه تترجاني>> حسيت لا ماتوصل لهالمواصيل انها تترجاني
قلت لا بس غيرولي المفرش وعقمو السرير
ودخلت الغرفه واسحححححب الستاره بيني وبين الحرمة مدري وش جاني كنت مررره اخوف العصبية بتطلع من عيوني 😬
والمهم خربت مزاجي استغفر الله واقوم افتح عبايتي واجهز عصيري والكيك واراسلكم وبعدها جوني خلاص صومي وحطو جهاز الطلق طلع فيني طلق خفيف الظاهر العصبية لها دور
وجلست ع ورد الولادة الله يجزاها خير ويفتح لها ابواب رزقه ورحمته وعفوه اللي حطته لنا احس فاد معي كثييييير
اذن الفجر صليت بعدها جات الممرضه وعطتني اللبس وقالت خليك جاهزه العمليات تبدا 7 ونص بس يمكن ناخذك بدري للتجهيز
6 ونص جاتني دكتوره تبي تركب القسطرة ورفضت ابيه بعد التخدير وتجيني ممرضه الله يسامحها قالت لا نصيحه هناك كلهم موجودين صعب تتكشفين افضلك هنا وخفيفه يدها ماتوجع
((( وافقت وركبتها والله ندمت ندم شديد الم مو طبيعي بعد التركيب حرقه ماادري شعور يضاااايق يعني الحمدلله اني اول عملية اللي عمليتهم الظهر شلون يتحملون >> بس عشان تحطون فبالكم اذا عمليتكم متأخر ارفضضضو القسطرة غير بعد التخدير نصيحة لوجه الله )
لان هالشي نكدددد علي احاول ادعي واسترخي مو قادرة استغفر الله دمووووووع تصب صب 😪
ودوني غرفة العمليات دخلت عليهم وشافو شكلي يحزززن وجهي احمر ودموووع مالك ياعبير فيه ايه واشااااهق استحي اقول للدكتور القسطرة توجعني
وعلمته الممرضة 🤐 وكلهم يطبطبون علي خاصه يالبى قلوبهن الممرضات السعوديات
تحملي 5 دقايق ونركب لك التخدير
وجاتني وحده تسألني بردانه احط لك دفاية حسيتها تستهبل علي بس اشرت لها برموشي مو براسي ههههه اي بردانه
مره نفسيتي كانت زفت
وحطت جهاز زي لي الغساله ودخلته داخل الشرشف ويطلع هواء دااااااافي الله يجزاها خير


جات دكتوره مصريه وترفع الثوب اللي انا لابسته من تحت الشرشف ترفعه لين وصل صدري
وراحت
بعدها جاء دكتور التخدير وجلسوني وتخيلو الثوب فيه لصقات وفتحات من ورا رفعو الثوب اعلى عند رقبتي من وراء وبدا يضربني الابره وتخدرت 😶 هنا انا انقهرت ليش انكشف كامل ظهري حتى من تحت خاصه مولابسه كلوت حسيت بكتمه تقهر 😓
يقولون لي احضني المخده ونزلي راسك > تعرفون وجه المستحي اللي فيه صيحه ودي اصرخ مااابي خلااااص خلاص
عطوني الابره الحمدلله يده خفيفه وسريعه وتخدرت


نجي للفقره الثانيه ينادون الدكتور انه خلاص انا تخدرت
طبعا عندهم بملفي اني سبق صار لي جلطة بالرجل بحملي السابق رجولي كلها اجهزه ويديني
وفعليا خلاص كاني انشليت الله لايبلانا وحطو الحديدة اللي فوق راسي عشان بيحطون الستاره اللي تغطيني
تخيلو بس حطو الستاره حسيت فيهم شالو الشرشف الابيض وانا كما خلقتني ياربي 😱😩😩😩 مسكت الشرشف بيدي وبسرعه جابت ممرضه زي الغطا ازرق فيه لصق وتلصقه فوق منطقه العانه وهو طويل يغطي رجولي
والطبقه الثانيه تلصقه ع بطني ورفعو بقية الغطا ذا ع الحديده صار زي الستاره مااشوف شي


بس للاسف طريقتهم ذي غبنتني وقهرتني واحس بداخلي روح تصيييييييح وتبكي احس فيني احد يصيييح والله يابنات مااكذب
يعني جيتكم مستره كذا تكشفون فيني ولا هذيك تقولي القسطره افضل سويها ليش تتكشفين وتحملت الالم
واخرتها مغطين لي وجهي وكاشفين جسمي كله ليته عند ممرضات الا طاقم طبي كبيررررر 🤯😨
المهم نتيجة هالشي انخفض الضغط عندي مررره صارو يحطون مغذيتين وثلاث مع بعض وخافو علي مررره كل شوي يهرجني دكتور التخدير انا موب يمه ابددددد
بعض البنات عندهم عادي يمكن للامانه ماتحسين بوجع بشي التخدير نعمه من الله
ورغم خطورة عمليتي قالولي مقعدي ماخوفوني انه معترض تحت المشيمه وللامانه ماوتروني ابد ولا حسيت بتوترهم او خوفهم ولا عرفت اصلا غير بعد المراجعه


الحمدلله حمدا كثيرا ع نعمة الولاده الطبيعية كنت اقول عيب الطبيعي ان فيها تكشف وكذا
لكن امنت بالله ان الطبيعي استر بمليون مررره
ولدت وخلصت ودوني غرفة الافاقه هنا جاتني ممرضه هنديه للان نفسي اعرف ليش تسوي كذا ضغطت فبطني لين حسيت اللي بقسم الطواري يسمعوني تضغط تضغط بيدها حول السره وتحت بقووووه ضغط مؤلم >> عندكم فكرة ليش لان سألت خواتي قالو ماسوو لنا بس هم تخدير كامل فماادري


واكبر غلط بعد اني مامشيت بعد مادخلوني التنويم اقسم بالله ان المشي يمكن يعتبر اقوى مسكن لك بس بالبداية شددي ع نفسك تعب تعب اول قومه عني انا ماقدرت اقوم لا بمساعده ولا غيره مرره ماقدرت واستسلمت ❌ ونتيجته غازات وصلت للقفص الصدري يابنات موت اتنفس اتحرك كأن سكين بضلوعي
اطلبهم مسكنات يقولون لي علاجك المشي فقط
اللي تطلع من العملية اذا ماخذه تخدير نصفي 4 ساعات واشربي يانسون وخذي معاه حبتين فحم لا تطولين وانتي مااخذتيهم انا خذيتهم ع ثاني يوم بالليل ارتحت شوي وانقهرت لو خذيتهم عطول مازادت الغازات
ماحبيت اخوفكم لا وربي بس انا دخلت ع عماي محد علمني انه يصير كذا يعني ماهيأت نفسي وبالتالي انخفض ضغطي بشكل مهووول


اما الوجع والتعب لا الحمدلله وقتها ابدا ماتحسين بشي غير ضغط كانك ماسكة كرتون بيديك وهم يدخلون يديهم داخل فقط هذا الاحساس الي حسيته ضغط وحركة ولحظات صوت النونو تغنيك عن كل شي الحمدلله من قبل ومن بعد


نصيحة من قلب خلو نفسكم تتهيأ لأي ظرف ودامنا تحت امر الله ف الحمدلله
لان هالشي اثر حتى ع نفاسي مابي اتكلم ماابي اتناقش بس مبوزه وزعلانه 🤕 طبعا الشيطان شاطررر بمثل هالنفسيات


ويمكن حتى هنا ماصرت ادخل ماادري زي الشمعه اللي طفى ضوها 🤒