السلام عليكم ورحمة الله وبركاته..
اللهم صلِ وسلم على نبينا محمد عدد خلقه ..
بفضفض لكم ابطلع اللي بقلبي ع قولتهم محد يعرفني هنا 🤣💔
بالعيد ، تجمعو اقارب لنا في بيت اهلي عند امي ومنهم خوات زوجي وحريم اخوانه ، وكنت قاعده اقهوي الحريم والمجلس ماشاء الله مليان ، طبعاً اللي يعرفني انا متاخره بالحمل عسى ربي يرزقني . جات زوجة اخوي ومعها ولدها وسلمت وقعدت شوي، امي اخذت ولدها عمره ٦ شهور واخذت تلاعبه امي جاتني قدام الحريم وقالت لي خذيه عني ولاعبيه انا جيت وااخذته ابو دقيقه الا امه نطت بوجهي وسحبته من يدي وقالت الحين نومه بنومه ، كل سلفاتي ناظرو فيني وانا واقفه صرفت نفسي وقمت اصب شاي ، وهاذي موب اول حركه لزوجة اخوي . مره جات عند امي وسالتها عني امي قالت لها تتعالج للحمل قالت لها كيف زوجها صابر عليها كل ذي السنين وماطلقها ! بالحرف ، بنات يوم امي قالت لي وربي رجعت بكيت من قلب ، اقول بنفسي عسى تجرب اللي انا مجربته وبعدين استغفر ربي ،
.
لكل وحده حولها وحده متاخره بالحمل لايوسوس لك الشيطان انو احنا بنعطي ولدك عين ولا بنحسده ، ترا البنين نعمه من ربي بلحظه يمكن ربي ياخذ امانته ، وبلحظة كبر منك وتعالي قادر ربي ياخذه منك ويرزق .. واختم بآيه
.( قالَ الله تَعالى ﴿لله ملك السَّماوات والأرْض يخلق ما يَشاء يهب لمن يَشاء إناثًا ويهب لمن يَشاء الذُّكُور أو يزوجهم ذكرانا وإناثا ويجْعَل من يَشاء عقيما إنَّه عليم قدير)
شاركي في النقاش
سجلي الدخول لإضافة تعليق.
التعليقات
59- والله يالغاليه الغلط منك تدرين ليه انك ضيعتي وقتك وضيقتي صدرك على هالاشكال وياكثرهم بينا وفي مجتمعنا لازم تتعودين ان كل الناس مو مثل تفكيرك ورقيك وانها راضيه فيه ناس عندها كل نعمه وهل من مزيد اعرف لك وحده عيالها فوق ال١٠ واذا درت عن اي وحده حامل وهالحامل كبر بناتها وانها حملت بال ٢ تقلب وجهها وتنكد الحسد موب شرط يكون من محروم حتى الي عنده يكون ماعنده قناعه اقول وسعي صدرك وماتستحق اي ثانيه من زعلك ثانيا لاعاد تشيلين اي بزر ولاتلقينه وجهه ادري يكون احيانا من حبك لامه تحبين طفله بس في قريح يشيلهم
- الله يطعمك وينولك ويرزقك الذرية الصالحة ويرزقك بركتهم.ويعطي كل متاخره في الحمل ياكريم
كم ليك متزوجة - ليش يضيق صدرك بعدين ولد اخوك اكيد تحبينه والله مانتمنى لهم الا كل خير عمرنا مافكرنا انه احد بيخاف على عياله من وحده ماحملت وش هالمنطق يااما هي اسمحيلي مره تؤفر في خوفها او انتي تحسستي وحسيتيها خايفه منك اسمعي مني طنشي
- الله يرزقك بالذريه الصالحه تقهر حركته
- كان قلتي لها قبل شوي مو موعد نومه
وترى يا فلانة هذا ولد أخوي قبل يصير ولدك
واسمه على اسمنا
ماأحب اقول هالكلام لكن الناس الي كذا يحتاجون احراج
قدام الناس
مواضيع مشابهة
تابعي تجارب أخرى من هذا القسم.