السلام عليكم
بدخل في الموضوع يابنات انا كنت من النوع الي يتحمل الالم ولا اخذ مسكنات الا في الضروره القصوى وقبل سنه ونص بالتحديد لما ولدت كانت اصعب ايام حياتي💔الحمدالله دخلت العنايه وكانو حاطين جهاز عند راسي تلقائي يعطي المسكن كل عشرين دقيقه يعطي دفعه بالوريد لما صحيت بدا الالم يزيد ناديت الممرضه كنت ابكي وقلت لها عن التعب شوي كذا جاء فريق مختص بالالم والمسكنات دكتوره ومعها اثنين دكاتره كانو بيغيرون المسكن لنوع اقوى رفضت المهم من كلامهم ليش تتحملين الالم والمسكنات موجوده ونعمه عاد حطو نفس البنج مع مسكن نفس فكرة الاول تلقائي يجي بالوريد كل 20دقيقه بعدها راح الالم وحسيت بالراحه طبعاً قلت لكم الموقف عشان احس له علاقه بوضعي الحين من بعد ولادتي مااتحمل اي الم يابنات على طول مسكنات🥺فيفادول بندول وقت النوم ايام كثيره بنادول نايت او فلوتاب احاول اعدل هالشي اقطع اسبوعين وارجع اكثر من اول صراحه احسه نفس الادمان اعوذبالله او شي نفسي وخايفه ياأثر على صحتي قبل فتره لقيت على وجهي وبشرتي بدات تبان الشعيرات الدمويه حيل واضحه حسيت انه منها تكفون انصحوني هل ممكن تسبب لي شي😞لاقدر الله
شاركي في النقاش
سجلي الدخول لإضافة تعليق.
التعليقات
14- ايه يا اختي هذا شئ نفسي لأنك لقيتي الراحه بعد مسكناتهم ..
و انتي لازم تبتعدين نهائي عن المسكنات ، حاولي و جاهدي تتحملين الألم والا كيف بتاخذين أجر الصبر ...
و كثر المسكنات يسبب تلف للكبد ...
فيه الام ماتصبرين عليها مثل الم الضرس ، الم الأذن لكن غيره نقدر نتحمل ... - تحملي في النهايه كل الم فيه خيره من رب العالمين واجر ولا ليه ربي بيحطه كذا بدون سبب ف حاولي قد ماتقدرين تبعدين وتحملي وبتلاقين نفسش ابتعدتي ان شاء الله
- يعيني انتي ربي يلبسك لباس الصحه والعافيه اذا جاك الم اقرئي سوره الفاتحه ونفثي اكثر من 40 مره
- -
والله ما أبي اخوفك بس ترى أضرارها أكثر من نفعها..
تأثر على الكِـلى بشكل كبير.. 🥲
انا مثلك استخدمها كثير لأن حاطة برسزز ومع الشد صداع وألم اضطر اخذها..
بس والله كل مرة أجي اخذها يأنبني ضميري لأني عارفة كثرتها خطيرة..
عموماً حاولي تاخذين أنواع خفيفة وبعدي عن الأنواع الثقيلة مثل البروفين وغيره..
الله يغنيني وإياكِ عنهم من غير شر..♥️ - انت تعودتي وجسمك تعود ع المسكنات
لازم تعودي جسمك ونفسك عن البعد عن المسكنات ولاتاخذيها الا بالشديد القووي
تعالجي بالأدوية الطبيعية في نزلات البرد يكثرهم الأدوية الطبيعية
واذا حسيتي نفسك مرة مو قادرة خذي فقط حبوب فيفادول لانها اخف نوع غيرها لا
مواضيع مشابهة
تابعي تجارب أخرى من هذا القسم.