مرحبا حبيباتي
لجأت اني اتكلم لعل و عسى الاقي احد يطبطب علي و يوجهني ..
انا متزوجة من ١٠ سنوات ..
ولا عمري فتحت جوال زوجي او فتشت بس ليلة العيد فتحته و لقيت كم اسم بنت بالسناب !
كلمته و نكر و عديت الموضوع
امس لمن نام بعد رجعت فتحته و يا ليتني ما فتحته شفت رسايل مع بنات و طلعات و حفلات !
ما قدرت اسكت و تكلمت معاه و قعد ينكر و قلب الموضوع علي و قال انتي جنيتي على نفسك
ندمت ندم مو طبيعي احس هدمت بدل ما ابني فجاءة قلب علي و محسسني اني غلطانه و انا غلطي اني فتحت جواله لكن هو غلطه اكبببببر
جدا ندمانه اني صارحته توقعته ببعتذر او يندم
وجهوني الله يخليكم وش اسوي اللحين .. لو اني سويت نفسي ما ادري ابركلي
ندمانه من جهة اني كلمته و بنفس الوقت اقول كيف اسكت على شي زي كذا
يقول انا محترمك و عازك و انتي اللحين خربتي على نفسك
و ترى فعلا زوجي مو مقصر
بس وش اسوي اللحين انسى الموضوع ؟
انا تاااااااايهة
و بليز الكلام الجارح و الغير مهذب ما ابيه
اعتبروني اختكم و انصحوني
شاركي في النقاش
سجلي الدخول لإضافة تعليق.
التعليقات
22- شلون خربتي علي نفسك
هو اللي خرب علي نفسه
اذا غلطك فتح الجوال
هو غلطه اكبر - الكلام اللي على اصوله
انه وقح وقليل ادب وش رايك
حلو خربتي على نفسك
يعني اعترف انك غلطان واعتذر وقل ماراح ارجع اسويها
لكن عيني عينك
صراحة الا الوقاحة اعيت من يداويها ، - التفتيش ما يحي منه الا المشاكل بس خلاص صار اللي صار ابيك الحين تعتذرين له وعلى اللي بدر منك وقولي له انا مصدقتك في كل كلمه قلتها وقولي انت عزيز علي وما استغني عنك شبعيه من الكلام الحلو يمكن ناقصه شوية اهتمام منك تقربي منه وادعي الله يسخره لك الله كريم بس يبي منا الدعاء والاقبال عليه
- انا بقولك شي ، ترا في شخصيات تنحرج وتستحي واذا واجهتيها تقلب الموضوع عليك ويعصب ويرمي كلام بس هو من جوا عارف انه غلطان ، اللي عليك لا تعتذرين له ترا الرجل ماينفع معاه الاعتذار ابدا بيكبر راسه اكثر واكثر ، انتي طنشي واسكتي ولا تتكلمين بالموضوع نهائي عادي كملي يومك طبيعي واذا عندك عيال عيشي مع عيالك نفس كل يوم وسوي واجباتك تجاه زوجك وانتي ساكته وصدقيني بيجي هو ويعتذر لك اما انك تعتذرين له وانتي ماخطيتي ترا والله بيكبر راسه وتكون ردة فعله ماتعجبك نهائي ، حتى لو غلطتي لا تعتذرين فقط اسكتي وكملي يومك طبيعي ولا تقصرين معاه بحقوقه الزوجيه و واجباتك تجاهه وشوفي وش رح يسوي رح يجي ويعتذر منك باذن الله
محبة السعاده شلون خربتي علي نفسك هو اللي خرب علي نفسه اذا غلطك فتح الجوال هو غلطه اكبر
ولله كل اقول ليتني ما تكلمت
اتذكر المحادثات و المواعدات و اقول اجل بسكت
حاليا مدري وش اسوي
مواضيع مشابهة
تابعي تجارب أخرى من هذا القسم.