التجمع الرابـع لمواليد ينـ 1 ـاير & فبـ 2 ـراير 2022

ايه افضل

الف مبروووك ياقلبي الله يجيبه بالسلامه 💙💙

بس اعتقد مايثبت الا القائمه اللي بأول صفحه بالتجمع حتى لو حدثنا القائمه اللحين بتطير من السوالف الافضل نحدثها ونظيف الجديدات اول مانفتح التجمع اللي بعد هذا عشان تثبت اسمائهم بكل التجمعات الجايه ومايطير اسم احد منهم يعني من رايي تنتظرون نفتح تجمع جديد ثم نظيفهم كلهم بالصفحه الاولى من التجمع ونحذف اللي مايدخلون مره وحده عشان خلاص نعتمد هالقائمه بالتجمعات الجايه ❤

شوفي ياطويلة العمر بالنسبة لي خلصت كل التجهيزات الحمدلله في مخي 😂😂 ثم سجلتهم بالملاحظات وحددت النواقص و ببدا من هالشهر بأذن الله اجهز على شوي شوي وببدا بتجهيزات نفسي من ملابس واعشاب وكماليات و نواقص بيتي والضيافه بحكم اني بقضي نفاسي هالمره في بيتي بجهز مكان الاستقبال عشان ماانضغط بالميزانيه ببدا من هالشهر بأذن الله امس اشوف موقع السيف غاليري عليه عروض وحددت كم طقم ضيافه بطلبهم هاليومين بأذن الله وهكذا كل شهر باخذ شوي ...


ومن ناحية اعشاب النفاس ناويه اخذ من وحده اسمها ام خلف كثييييير اخذو منها يمدحونها مره واعشابها واضحه مره وسهل استخدامه اعجبتني عندها خلطة التمر وقشر القهوه وشاي الزهورات بس هذولي الاشياء اللي راح اخذهم بنفاسي ماراح اكثر اعشاب وخرابيط وبس والله هذا اللي ببالي حاليا 😊

على فكرة بنات حاولو ماتخلصون الشهر السابع الا كل شي جاهز عشان لو قدر الله وجتكم الولاده فجأه تكونو جاهزين




بولدي الاول فجأه بأول الشهر الثامن جتني الولاده بدون سابق انذار وبدون اسباب وماكنت مجهزه ولا شي وكنت لحالي ماعندي احد يساعدني اهلي واهل زوجي بعيد واضطريت انزل للسوق وانا نفاس مالي اسبوعين والده عشان اجيب ملابس لولدي لان الحضانه رفضوا يطلعونه الا بملابس وانا ماكنت مجهزه شي ☹