اتمنى كل وحده تقدر نفسيتي

متأخره بالحمل علييك بالقسط الهندي وادعيلي

إنه الله المعطي المانع..

&"الله المعطي المانع&"...لا مانع لما أعطى، ولا معطي لما منع؛ فجميع المصالح والمنافع منه تطلب، وإليه يرغب فيها، وهو الذي يعطيها لمن يشاء، ويمنعها عمن يشاء بحكمته ورحمته.
الحمد لله الذي هو كما وصف به نفسه، وفوق ما يصفه به خلقه.

الإمام الشافعي

اللهم يا باسط ابسط لنا من رحماتك، واعطنا من عطاياك، واقبض عنا السوء يا قابض، وامنع عنا الشر والسوء يا مانع.
إنه الله المعطي المانع..


اقراي واسمعي عن حسن الظن بالله

ربما عبادتك لمصالح في نفسك راجعي نفسك
فالعباده حب لله سبحانه
وربما تفقدين اليقين بالله
قوي ايمانك واعرفي ان الانسان مبتلى والدنيا عابره ماحنا اخذين منها شي
الله يثبتك ويكشف عنك مااصابك

عليكم السلام ورحمة الله وبركاته.
استغفرالله العلي العظيم تمنين عبادتك ع الله وتقولين لربي سبحانه
ليش ياربي !!!!!!!!!!
الله سبحانه غني عنك وعن عبادتك وغني عن الكون كله
قال سبحانه وَمِنَ النَّاسِ مَن يَعْبُدُ اللَّهَ عَلَىٰ حَرْفٍ ۖ فَإِنْ أَصَابَهُ خَيْرٌ اطْمَأَنَّ بِهِ ۖ وَإِنْ أَصَابَتْهُ فِتْنَةٌ انقَلَبَ عَلَىٰ وَجْهِهِ خَسِرَ الدُّنْيَا وَالْآخِرَةَ ۚ ذَٰلِكَ هُوَ الْخُسْرَانُ الْمُبِينُ
تعرفين تفسير هالايه او لا !
تقولين حافظه القرآن !
هل باشر القرآن قلبك والا بس آيات حافظتها وتكرريها وبس
اللي تعرف القرآن فهم وتدبر وعلم وتوقف ع معانيه ومقاصده
والله ثم والله ماتقول كلامك هذا !
القرآن فيه رد على كل شي وسنة الله بالكون ان يعطي الدنيا
لصالح والطالح والمسلم والكافر
وياخذ فيها الكافر اكثر من المسلم لان الدنيا تافهه وماتسوى عند الله
جناح بعوضه. ويوم القيامه يتحسرون ع دنياهم
والمؤمن وصل لنتيجه ووصل للاخره والدار الخلد
اللي مهما عمل من الاعمال الصالحه تبقى اقل من نعيم الجنه وخلدها
والدنيا اختبار. والا تبين النتيجه بالدنيا بس ؟!!!!!
يعني ماعندك ولا نعمه ! كل شي عندك معدوم
لا دين ولا صحه ولا نظر ولا سمع وعايشه حياتك ع مسكنات ماتنامين
الا فيها
وعايشه ع فتات الخبز
وعايشه عريانه من الملابس ماعندك اللي يسترك من الفقر !
ولو كانت هذي حالك
تبقى العباده ماتساومين الله عليها وتقولين ليش ياربي
الله غني عنك وعن عبادتك
ولا تصلين ولا تحفظين قران دام تساومين رب العالمين
ولا تقول هذا مو تسخط !
مالك دخل يعطي ربي الكافر والملحد والماجوس والشيطان والجن الكافر
ملكه وسلطانه سبحانه
ولو الدنيا اعطاه ربي للي يعبدونه كان خير البشر الانبياء كانت لهم الدنيا
نعيم.
مر عليهم اشد انواع الابتلاء. لان الدنيا امتحااااااااااااان
واختبار.
والانبياء حالهم حال البشر يمر فيهم كل شي
ولو ماجاهم ابتلاء. بيقولون اللي نفس تفكيرك ان الانبياء ماجربوا
انواع الابتلاء وحياتهم نعيم وبس !
تقولين حافظه القرآن !
القرآن يغذي إيمانك قبل حفظ صفحاته.
اللهم لا تستدرجنا بالنعم
وبين كلمه وكلمه تقولين يسوون كذا وكذا
وانا اللي اصلي وحافظه القرآن يصير فيني كذا !
( رٌب عاصي منكسر ومستحي من ذنبه
خير من عابد عالم معجب بعلمه )
وهالشي ينطبق ع المقارنه اللي قاعده تسوينها بينك وبين فلانه وعلانه
لدرجة رايحه تشوفين حسابها بالتويتر عن الالحاد !
قول يارب يامقلب القلوب ثبت قلبي ع دينك وادعي لها بصلاح
لان المسلم يكره ان يشوف غيره ع ضلاله ويحب لناس الخير
اما كل شويه
انا وانا اعبد الله وماترك صلاتي ومااغتاب وماكذب
وماقصر بحق ربي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بتموتين وانتي مقصره بحق ربي سبحانه ولا تمنين هالركعتين وحفظ القرآن
الصالحين يعبدون الله ويبكون يعلمون انهم مقصرين
والعباده ماتربط بأمور الدنيا ابداً
الا ايمان الشخص وحسن توكله على الله سبحانه وطمنينته لكل اقداره
هي الراحه النفسيه اللي تباشر القلب بكل حياته سوا كانت خير او شر


وارجع واقول الله غني عنك وعن عبادتك وعن الكون كله.


وبتقولين ماجربتوا. الحمدلله على كل شي يمر فينا من خير وشر
وندعي الله سبحانه ونرجيه وعلى اتم اليقين ان الدعوات مستجابه😍
1-ربما دفع شر كنا نبكي نتمنى يحصل ونحسبه شي حلو وسعاده لنا


2-ولو ماكانت بالدنيا استجابة الدعاء
.يكفي ان ربي سبحانه سمعها ومدخرها عنده♥️
اما عبادتنا. نقوم فيها ( لأننا نعبد الله جل جلاله اللي خلقنا )
ومانربطها برزق او احداث او مصالح !

وعليكم السلام ورحمة الله وبركاته
يأختي ومين قالك انه قريبتك الملحده سعيده ومتوفقه انت بس تشوفين الظواهر
اسأل الله ان يهديها وترا مو كل أحد يصور لك انه مبسوط من جد مبسوط المشاهير الي في أمريكا اتوقع كلهم تعيسين وكثير منهم لو تقرين يكلون حبوب نفسيه
والي يشرب خمر عشان ينسى
والي ياكل مخدرات
شوفي في مشاهير انتحرو وفي مشهور مدري مشهوره يقول خذ مني الشهره واعطني السعاده
يتصنعون السعاده
اعتقد اتعس الناس الملحدين لا يغرك عطا الله لفرعون الملك و المال والله من تصرفه احس انسان مو سعيد لأنه لو سعيد من جد ما صار كذا عدواني لدرجة يقتل الأطفال هذا شرير أفعاله شريره كيف نفسيته شر وتفكيره شر اعتقد ما وجد السعاده - ولا واحد مننا اعتقد يبغى يكون مكانه ولا يعيش عشته
المهم يأختي انت الشيطان موسوسلك ولا ايش؟ والله دروب الحرام ما تسعد والله لو كان فيها سعادة و خير ما منعنا الله منها ليش يحرمها علينا أجل؟ الله ما يحرم علينا ألا الشر و الي راح يتعسنا ويضرنا يحرمه علينا ويحرم علينا لحكمه الله يعلم واحنا لا نعلم الدنيا ما راح تمشي مزبوط الا بحكم الله
و مجتمعنا المحافظ أفضل المجتمعات في العالم أمان وراحه واسره جميله هذا بفضل الله تفضل علينا بالنعم و احد سمعت عنه من الأجانب يشهد بذلك واسلم
في بيت انا احب اذكره لابن الوردي رحمه الله
لا تحسبن من يقطع الطرق بطلا
إنما من يتقي الله هو البطل اعتقد كذا البيت
والله يأختي اني كنت مخبطه ايام الثانوي واحسب السعاده في معصيت الله كنت مقصره موملحده الحمد لله بس التقصير ذا اتعسني هلكني لين ما الله هداني وكنت أطل للبنات الي يلبسون العبايات المزينه والملونه والكاشفات وجههن ويعطن الرجال وجه ومكياج وعطور
واتوقع ان عيشتهن قشره و الرجال يلعبون فيهن ويسحبو ن عليهم وان تزوجت وحده منهم اتوقع ماهي مبسوطه بالمعصيه وعدم توفيق الله لها والله مافي زي البنت الي ساتره نفسها لوجه الله ويجيها إلى يسعدها بتوفيق الله لباب بيتها ويطلبها من والدينها والكل راضي
والله هاذي ما تجي من معاصي تجي من تقوى وطاعه لله وتوفيق من الله إلى سخر هذا الآدمي لها واسعدها معه
ونا شبطت في طريق الهدايه احس هذا الطريق إلى كنت ادور عليه هذا الطريق والله اسعدني كنت في كرب وفرج الله عني
ومو بس انا يأختي اسمع من الي حوليني مافي وحده لزمت الاستغفار وطمعت بفضل الله إلا أعطاه الله
وكنت لما اسمع ان فلانه تستغفر اعرف انه بيجيها عطا من الله ويجيها والله ويوصلني الهرج
وحده سمعت انها تستغفر وكانت ودها انه اسمها يتغير وكنت احسها تبغى تتزوج من القبيله الفلانيه وسبحان الله جا إلى غير لها اسمها و اتزوجها من القبيله هذي
وحده كمان قالت لي بستغفر انا والله كم شهر و اسمع خطوبتها وزوجها
واقري أحاديث الاستغفار اصلا تكفيك اية وحده في سورة نوح إلى فى الاستغفار وفضله
اختي انتي تقولي ملتزمه أجل ليش مسيئة الظن و تتمنين الموت
راجعي التزامك والله ان القرب من الله جنه جنه جنه وراحه وتوفيق وتسخير حب الله فوق كل حب
واقري سورة البقره هيا بركه كما قال عنها نبينا صلى الله عليه وسلم خذيها يأختي وخليلك ورد من القرآن
انا ما احب البدع لكن قريت عن ابن عثيمين أن كثرة قرأتها والعمل بها لها فضل وانا الحمد لله مكثره من قرائتها واحس بسعاده
و استغفر الله والله اني في راحه وسعادة ما حصلتها في المعاصي وصحبة الشيطان وبنات السوء
الحمد لله الذي ردني إليه قبل الموت وقبل أن اقابل ملك الموت ساعتها راح نعرف حقارة المعاصي
اسأل الله حسن الخاتمه لي ولكم والسعاده والبركات والخيرات وان يثبتنا على الحق دائما وان يجعلنا من اهل السعاده دائما
وان كان في خطأ في كلامي ياليت احد يعدله راح يسعدني
لاني احيانا لما اكتب اخاف اكتب شي يخالف السنه أو بدع وكذا الله يسعدكم جميعا