بغيت حل لمشكلتي مع الرضاعة الطبيعية :(

السلام عليكم ..
انا مشكلتي مع ولدي الاتي :
اني ولدته باول التاسع والولد ياحبيبي صغيرون وايد وحتى حلجة صغير مايعرف يمص عدل من صدري
وانا اصلا حلمتي مو بارزة وايد والرضاعه الصناعية يرتاح عليها اكثر لان الحلمة تدخل داخل الحلج ..
لكن انا ارضعه بقدر الامكان بصراحة لكن هم ماكو فايدة ماردي اسوي له رضعه صناعية لانه مايشبع
فشنو برايكم الحل ياليت تفيدوني :(

5 تعليق 849 مشاهدة

شاركي في النقاش

سجلي الدخول لإضافة تعليق.

التعليقات

5
  1. حبيبتي سوي المستحيل عشان يرضع من صدرك خليه يمص يمص وبتشوفين بعد كم يوم الحلمه راح تصير طويله ويمص وهو مرتاح

    انتي راح اتعبين اول الأيام ميخالف شوي شوي راح تتعودين وهو يتعود على هالوضع
    بالبدايه راح تشوفينه يمص شوي وينام ويرد يقعد بعد ربع ساعه اول اقل جوعان هذا شي طبيعي ورضعي من صدرك خلي بالك طويل ووسعي صدرك لأن الرضاعه الطبيعية بالبدايه متعبه لكن مع الأيام راح يدر حليبك اكثر ويشبع الياهل

    اهم شي المص عشان يحفز الحليب على الادرار
    أما الحلمه نصيحتي لا تحطين الصناعية لأنها تدخل هوى في بطن الياهل ويسوي له غازات
    خليج على حلمتج حاولي انج تدخلين الحلمه واللي حوالينها كلها بحلجه وشوي شوي راح يمص بروحه

    تعبي تعبي تعبي بس خليه يرضع من صدرك ولا تعيشين معاناة الحليب الصناعي ومشاكله لأن صج حليب الأم ماكو مثله سبحان الله
  2. @go24

    صاحبة الموضوع
    مامتو لحمادينو
    حبيبتي سوي المستحيل عشان يرضع من صدرك خليه يمص يمص وبتشوفين بعد كم يوم الحلمه راح تصير طويله ويمص وهو مرتاح انتي راح اتعبين اول الأيام ميخالف شوي شوي راح تتعودين وهو يتعود على هالوضع بالبدايه راح تشوفينه يمص شوي وينام ويرد يقعد بعد ربع سا…
    مشكورين خواتي جزاكم الله الف خير ..
    وان شاءالله ببذل قصارى جهدي بالترضيع والله كريم ..
  3. السلام عليكم،
    حبوبة انا استخدمت الحلمة البلاستيك عشان حلمتي اختفت عقب الولادة
    واايد ريحتني>>>حاولي كثر ماتقدرين ترضعينه او شفطي صدرج واعطيه اياه
  4. هلا اختي جوري..
    انا كنت نفس الحالة ..الحلمة صغيرة وولدي ما يقدر يرضع رحت على الصيدليو وخذت الحلمة البلاستيكية ..فكان كل ما يرضع منها اخليه شوي وبعيدن اشيلها وعلى طول اعطيه حلمة صدري فيمسكها وقعدت كم يوم والحمدلله مسكها بدون الحلمة البلاستيكية والحين الحمدلله يرضع وهو مرتاح..

تابعي تجارب أخرى من هذا القسم.