التجمع الـ ١٩٦ للمقبلات على الحقن المجهري والأنابيب👶🏻🌹

هيفاء
الحمد لله ع سلامتك.. كل شي يصير من الله خير
وان شاء الله تحملي طبيعي بصحه وسلامه 🙏🏻

الله يسعدك يارب

بنات انا عندي بنت مريضه عمرها ٣ سنوات لكن كانها طفلة عمرها شهرين ماتحرك ولاتتقوم ولاتنتبه لشي ولاتعرف احد طريحة فراش وعاجزه عن كل شي ومعاها صرع .. الله يشفيها ويكتب لي الاجر ويصبرني

المهم بنتي اخذا كل وقتي لانها لاتاكل لاشي بس رضاعة حليب كل ساعتين او ساعه ماصرت اقدر اطلع ولااروح ولااجي حتى النوم متخيلين كل ساعه ونصف اوساعه اصحى ارضعها من غير اشياء ثانيه كثيره ماذكرتها

اخذت وقتي وصحتي وبيتي صرت م اقدر اقوم فيه ولااقدر اقوم بوجبات بيتي كاملة يعني حتى لو بحمل كيف اقدر على طفلين 😔 ومع ذالك اذا بحمل لازم حقن مجهري وبسافر واجلس مدة برا لان المدينة اللي انا فيها مافيها فحوصات تخصني

ماعندي بنات كبار ولااطفال كبار يساعدوني فيها

فكرت اجيب لي ممرضة او مربية وش الجنسية اللي تتحمل الاطفال اللي كذا يعني تساعدني ب احتياجتها وكذا واركب كاميرا بالغرفه اذا صار عندي موعد بالمستشفى او شي اشوف بنتي . وش افضل جنسية تتحمل الاطفال لان اخاف استقدم ويصير ماتتحمل وتبي ترجع لبلدها 😞 ابغا مشورتكم جزاكم الله خيراً

الله يشفيها ويعافيها

افضل جليسه اطفال الاندونيسيه تحب الاطفال
والفلبينيه ايضا زينه مع الاطفال

في ناس تمدح الفلبينيه اكثر وناس امزح الاندونيسيه اكثر
والحقيقه انهم توافيق من الله تجيك الزينه الحنونه اللي تساعدك

السيوله اخذها دايم من اول مااحلل الكرتزون هذي اول مره ومانفع انا ايقنت ان الحمل الطبيعي عندي سبحان الله مايتم هذي خامس مره

الله يكتب اجرك و يعوضك خير يارب العالمين و يشفيها بمعجزة من عنده

اللي اسمع عنه الفلبينيه حتى فالمستشفيات مره طيبات و حنونات على المرضى
المهم فالموضوع انك تستقدمين مربيه لطفل مريض و يكون عندها خبر عشان ماتشرد او تطفش و اذا ركبتي كاميرا اعطيها خبر و قولي لها ان البيت كلها مراقب عشان تخاف و تراقب حركاتها



فيه الحين موقع شفت اعلانهم زي سماسكو بس شغالاتهم بالشهر و ب 2500 شامله كل شيء تأمين طبي و غيره و اذا ماعجبتك تغيرينها