تجمع 22 لحوامل شهر ستمبر (9) و أكتوبر (10) 2021 💙💗

ما شاء الله وبدأنا فقرة تجهيز الشنط الله يتمم لنا على خير 🤲🏻

تصدقي انا عكسكم 🤭 يمكن لأني أحب الاطفال وبالي طويل عليهم
جبتهم بين البنت والولد سنتين ونص وبين الولد وولدي الثالث سنه وكم شهر حملت على العزل بس كانت احلى غلطه
تربيتهم اللهم لك الحمد سهلة لأنهم مع بعض بالأخص الاولاد احس كأني جايبه تؤام - واي شي علمته اختهم يتعلموه منها ويقلدوها
وصار كل شي عندنا ينقسم على ثلاث 😂 لانهم قريبين بالعمر يتشاركو الاهتمامات ونسويلها نفس الفعاليات يستانسو الحمدلله
حتى تعليم الحمام وغيره، يتعلموه من بعض ويقلدو بعض والحمدلله الحياة ماشيه بس كثير مرتاحه على الفرق بينهم
متحمسه تجي البنوته ونصير نزيد صحن رابع وكرسي رابع 😂♥️
بعد هالولادة اتوقع اني بكتفي الا اذا ربي اراد بس ناويه على مباعدة طويلة أقل شي سبع او ثمان سنين لاني بعد سنة بكمل شهادتي العليا باذن الله - وبندخل مرحلة المدارس معهم

سالي انا عمري ٢٦ 🤭 الي يشوفني يقول معقوله عندك ثلاث اطفال ماشاءالله 😂
انا من النوع الي استمتع بتربيتهم على صعوبتها واحاول اعيش هالمرحلة من حياتهم لانه بيجي يوم ويكبرو اعرف اني راح اشتاق لهالتعب

احلى شي تروحي المستشفى واصله
يارب يارب يارب ارزقني هالولادة الي بدون كشف وتدخلات وطلق 😂
اوصل المستشفى اكون خلاص ويقولو بس ادفعي ونخلص

انا متعوده اجهز شنطتين صغار 🤭
مو شناط سفر
شنطة لي وشنطة للبيبي / احس هالطريقة اسهل لي
ملابسي وملابس النونو ارتبهم كل لبس في كيس عشان يكون اسهل لي وللي معاي وقت التغير
واذا بغيت شي لي اخذته من شنطتي واذا شي للبيبي يكون كل شي قريب 😂

بس بصراحة هالمره ناويه اخذ شنطة وحده كبيرة - اذا ربي رزقني وولدت طبيعي باذن الله ما اطول فالمستشفى اذا الامور تمام بنت يعني حتى ما اشيل هم الختان
اذا ولدت والامور طيبه يطلعوني في نفس اليوم باذن الله (الله يرزقني يارب)