تأنيب ضميري على أطفالي

السلام عليكم عالم حواء


انا مهمومه جداً بسبب اطفالي
انا منفصله من سنوات واعاني من رهاب اجتماعي
مااحب اطلع من البيت نادر جدا اطلع وانا معاي حضانه اطفالي واصلن ابوهم نادر يزورهم ولا عنده حس المسؤوليه انا موفره ل اطفالي كل احتياجاتهم صح مصروفهم يادوب يكفي بس عندهم اجهزه حديثه وغرفه وحمام خاصه ببيت اهلي ولا احد يضايقهم بالعكس يحبونهم لكن ضميري يأنبني عشان مااطلعهم نادر يطلعون امكن بالشهر مرا يطلعون الالعاب واعشيهم واشتري لهم ايسكريم اذا جاء مصروفهم لان الطلعه صايره تكلف واذا طلعتهم كثير يجي اخر الشهر مااقدر اصرف لكن اشتري لهم العاب صح رخيصه بس افرحهم دايم وعندهم تلفيزون خاص بغرفتهم واشغل لهم فيلم اطفال واسوي لهم فشار ودايم اشتري ليهم من البقاله انا انسانه جدا هاديه مااحب الازعاج وغرفتنا انا وعيالي ٢٤ ساعه القران شغال والحمدلله درست وتخرجت بعد الانفصال والان ادرس دورات عشان اتوظف وظيفه زينه رغم اني اعاني اكتئاب ورهاب واخذ ادويه واتعالج واضغط ع نفسي ادرس عشانهم والله لان اهلي رافضين ايي وظيفه ضميري يأنبني لدرجه ماانام والله احس اني اظلمهم وتعرفون هالزمن محد يبغا زيارات القرايب كلن مشغول بنفسه وابوهم حاولت معه لكن جدا اناني حتى اذا نقص المصروف وطلبو زياده مايعطيهم رغم انه جدا غني تعبت مرا معه بس يسافر مو فاضي لهم حتى اغراض المدرسه شريتها لهم فرحتهم من بدري عيالي صغار بالابتدائي كنت ايام الشتاء دايم اوديهم حديقه عند بيتنا واشتري لهم من البقاله بس الحين الجو مرا مايساعدني حتى والله ماافكر اتزوج عشانهم اهم شي عندي عيالي رغم اني مادخلت ال ٣٠ لسه وابوي متوفي نفسيتي تعبت وبعض الاحيان اقول الاوضاع اصلن كورونا وين اطلعهم بالعكس محافظه عليهم 💔 ضميري مرررررا يأنبني مع اني ماطلبت الطلاق وكنت اتحمل خيانه واشياء اكبر من عمري 😔

24 تعليق 3,597 مشاهدة

شاركي في النقاش

سجلي الدخول لإضافة تعليق.

التعليقات

24
  1. @thuraaq

    الله يفرجها عليك ابحثي عن فضل قراءة سورة البقرة والحوقلة لتفريج الهم وتيسير الامور
  2. @amyr89

    والله انك مو مقصره ماشاءالله
    بس الشيطان بينكد عليك
    انت احسن ام لانك شايله دور الام والاب 😘
    انتي احسن من امهات كتيررررر💋
  3. @gogo_1199

    اول شي انتي ام عظيمه ماوصلتي ثلاثين و تتحملي كل هذا و الحمدلله انتي ام رائعه مافيكي شي غلط العلط فيه هو و خلاص هو ماضي و انتهى و المصروف على اطفاله شرعا و قانونا يصرف عليهم و انتي ماظلمتي اولادك ولايأنبك ضميرك عليهم بالعكس انتي عسل معاهم و عادي بخصوص الطلعات عادي جدا انه يطلع مره بالشهر مو مشكله ى اذا حابه تطلعيهم مو لارم شي بفلوس تقدري لحديقه عامه قريب من عندكم بالحي و بخصوص الوظيفه بالعكس كملي و ادرسي و اتوظفي امان لك الوظيفه قبل اولادك و لاتقولي بتزوج عشانهم لا ابدا و لاتفكري متى ماربي كتب بيجيك النصيب كملي زي ماانتي جدا جدا رائعه و متفانيه و عطاء بلاحدود الله يسعدك و يوفقك و يفتحها بوجهك كمان استخدمي العصفر مع ماء مقري كثير حربوه ونفع معاهم للتوتر و قدامك العافيه انتي مافيك اي عيب و لاحاجه انتي ورده و هو مايستاهلك اذا ماصان العهد و الوثاق الغليظ ناحية ربي كيف بيصونك بلاها تفكري فيه اذا مايخاف ربه بيراعي خلقه !!
  4. @s_aa_m_z

    ماشاء الله تبارك الله
    انتي مانتي مقصره مع اطفالك لاكن الشيطان يوسوس لك
    الله يوفقك في وظيفة زينة
    تابعي مقاطع في اليوتيوب عن كيف علاج الرهاب الاجتماعي

تابعي تجارب أخرى من هذا القسم.