التجارب القاسية مؤلمه لكن تعطي دروس

انا في صراعات داخلية احيان اكبر الامور واحيان مع القرب الصادق من الله تصغر كل كبير الله يرزقنا العزيمة على الرشد يارب والحياة تحتاج طاقة واصرار ،،
والتجارب والله لو اقولك اني عانيت في الحياة وشفت تجارب بكذب كلها تكون بسيطة غالباً مو تجارب كبير الحمدلله ابداً ولكن سبحان الله التفكير الزايد يكبر الامور والحمدلله على كل حال
والله يهدي الحال والاحوال 💜

فعلا موضوعك جميل
حاليا مااذكر موقف معين بتفاصيله
لاكن يجي فتره امر بضيق وكربه وتجلس شهر شهر وشوي
او اكثر
ثم تزول وتفرج واقول خيره هالكربه لو انه ماجات ماصارت حياتي بعدها افضل
وهكذا
وبس نعلم انه بعد الضيق فرج مهما طالت
باليقين بالله وامر المؤمن كله خير باذن الله

تجربتي مع مرضي
والعين الخبيثة والمس الشيطاني والسحر
كنت أقول لابوي الله يشفيني بدون علاج يارب
يقول لازم اسباب وانا حاطة في بالي ان ربي قادر سبحانه على كل شيء ويغير حالي في لمح البصر
وكان من شيخ لشيخ
وفي يوم الشيخ يقول لابوي بنتك قويه شخصيتها ومحد يقدر عليها وخلت العارض يمشي معاها عاد مدري صادق ولا يألف
لاني أقرا سورة البقرة وأجاهد نفسي وأصبر وثقتي بالله قوية دام الله خير الحافظين
وامي كانت دائما تقرأ الأذكار وكنت أتابع واسمعلها الى ان حفظتها
أمي رغم انها شديدة بالتربية
كانت تمسك أختي وحفظوا سورة البقرة بالبيت وانا اصحح لهم لاني حافظتها
وكنت اقول لابوي اترك جوالك وانت اساس راعي البيت اقرا سورة البقره صح احنا مانشوفك لكن الله يشوفك
وكنت اقوله لو ساحر قدامي وانا اقرا سورة البقرة مايقدر علي ب عون الله سبحانه وفضله ورحمته
جالسة في غرفتي مرتاحة استغفر ربي سبحانه واصلي قيام الليل وأدعي. وأحمد ربي على البلاء في حال واي حال يارب العالمين

ماشاء الله تبارك الله. الله يثبتك على قرائتها ويزيدك من فضله. نفسي استمر عليها فتره واقطع. ماقدرت التزم. الله يقدرني 💔

كثيييرة لا تعد ولا تحصى..
لكن.. ما اعتب على أحد جرحني وخلاني ابكي دم.. لأنه خلاني أقوى💪..