زوجي والسرطان ونيه زواجه الثاني

قناعته تثبت إنه أناني اللي ما في منه منفعة لا يريده وهذا قمة الأنانية ..
عدي له أخطائه وقولي شوف كل هذا فيك وعمري ما فكرت اخونك وافكر لغيرك وانت تخونني وتبي تتزوج كمان والله حرام عليك الظلم ظلمات يوم القيامه ..
قولي له طيب انت بإيش نفعتني ؟
لا وكمان رايح تخرب حياتي !!
هل كان مهتم بعياله ؟
هل جلس معاهم يوم وعلمهم اي شئ ينفعهم بدينهم ودنياهم؟
تارك كل شئ عليك صح؟
بالله هذا وش يبي من الدنيا وهو نفسه ما يقدم اي منفعة حتي لعياله ..
شاكر ي قياخذ منفعة من غيره طيب وهو وين منفعته ؟

مثلما قولت لك اقلبي عليه الطاولة وارفضي وهذا من حقك لأنها حياتك انت مثله مو حياته لوحده ..

انتم شركاء في حياتكم مايصير يذهب ويترك كل شئ كذا هذا أكبر ظلم ومو هذا اللي وصي به الله ورسوله ..

الله يفرج همك ويصلح حالكم🥺

مشكورة بوكا على ردك

واضح انه ما ببيني ولو ماكان مريض كان طلقني بس عشان العيال وكلام الناس وهو حاس ان ما بقى له عمر طويل والاعمار بيد الله

ما زال بيننا احترام وما في احد بغلط عالثاني بس علاقتنا اغراب
لما ناقش معي موضوع وصيته قالي هذا البيت والخدامة والسياره والسواق والراتب كله لك واعتبريتي غير موجود معاكم

راح احاول اكثر واكثر عشان يرتاح

استغرب من الي تقول اناني
طول عمره لحاله ويوم مرض وكتب وصيته حُمل خطاء انه مايسمع ويلين؟؟
اختي سامية مااعرف ظروفك بس قولي له اقل شي يحللك ويسامحك لان المرأه الي ترفض تبيت عند زوجها تلعنها الملائكة
خليه يروح راضي عليك

اكتبلك ودموعي بعيني والله

هو غاضب علي مع الاسف ومرة قالي الي سويتيه فيني شي كبير

هو يقصد الاهمال وتراكم المشاكل سنوات بدون حل

انا خايفة ان نفسيتي تدمر اذا راح

حياتي مافيها ظروف معينة

عشت حياة رفاهية معاه وما قصر بالامور المادية معي بس ما بينا اي توافق سبحان الله

كثرة الخلافات سنة ورى سنة تولد تنافر كبير وهو شكله عافني مرة وحدة لكن بحاول عالاقل يروح وهو راضي عني