بناااات تكفووووون ساعدوني وربي تعبت من التفكيير 😭

بقولكم قصتي انا حبيت يمني وهو حبني مره ومن البدايه قلت له انو اهلي مستحيل يوافقون قال لا ماعليك احنا بنسوي اللي علينا واحنا نبغا بعض بالحلال وانا بخطبك من ابوك وبتعرف على اهلك ومارضى يتركني وفعلاً تعرف على ابوي وخطبني وابوي رفضه مرتين وقالي ابوي اني ماراح ازوجك هالشخص على جثتي طبعاً ابوي عرف اني على علاقه فيه وحياتي تدمرت مره واحس ابوي يمثل علي الحب بعد ماكان يموووت فيني 💔😭😭😭 المهم اني الحين ابغا انفصل عنه بدون ما اجرحه كثير فاتحته بالموضوع بس يقول لا تتركيني خليك نصبر وراح تفرج وبندعي وبنسوي ونفعل واخر نقاش كان بيننا كان يقولي ماراح اسامحك لو تزوجتي غيري وربي اموتك لو تتزوجي غيري طبعاً كلامه مو تهديد لا نابع من حب ويحبني ويبيع الدنيا عشاني لكن انا عارفه انو وضعنا ميؤوس منه وما ابغا اضل كذا على هذا الوضع طول عمري تعبت نفسياً وصارلي سنه بهذا الوضع والحين هو يقول انو بيكلم اخوي بس انا اخاف ابوي يدري اني للحين اكلمه وربي يموتني 😭 وما ابغاه يتقدم ابغاه يتركني وينساني نفسي انو يكرهني ساعدوني كيف اطلع من هذا الموضوع بدون ما اجرحه وكيف اتصرف التصرف الصح ومتى ؟؟؟ وبس مشكورين مقدما يا حبايب قلبي والله اول مره اسجل بمنتديات بس محتاجه احد يرشدني ويكون فاهم اكثر مني معليش طولت عليكم وانا بقرا ردودكم كلها وتكفون بدون كلام جارح وربي اللي فيني مكفيني ♥️♥️♥️♥️😘

43 تعليق 6,398 مشاهدة

شاركي في النقاش

سجلي الدخول لإضافة تعليق.

التعليقات

40
  1. @haya1456

    السلام عليكم :
    -يُفضل انك تسوين كابتشر على المُحادثة لما هددك وقولي انك راح ترفعينها للجهات المُختصة اذا لزم الامر .
    - افرشي سجادتك واسئلي الله ان ينجيك المصائب دايم ترجعنا لله فلا تيأسي ... واقري سورة البقرة مرة ومرتين وثالث لان اخذها بركة .

    - و وقفي تواصل معاه .. لان الوضع جالس يسوء .

    الله يعين على هالدنيا .
  2. ارسلي له رسالة طويلة وضحي فيها انك تبين تتركينه وقوليله الاسباب واقنعيه ان الحل الانفصال ،، واذا ما اقتنع بكلامك عطيه حظر او بلغي ابوك . نصيحتي لك انك تتركيه بأسرع وقت لايضيع ربيع عمرك وانتي تنتظرين ابوك يوافق
  3. @daagh_2_1

    ياعزيزتي علاقه محرررمه هذي وهذا اقوى سبب انك تتركينه علشان ربي وتوبين


    ثم علشان اهلك وابوك الي بعد كل الي صار مازال يثق فيك لاتكسرينه


    بسالك مافكرتي بعد الزواج وش مصيرك ؟؟
    وين بتعيشين
    واذا جبتي عيال كيف بتكون حياتك
    لانك مممكن تعيشين ببلد زوجك
    وممكن يكون بينكم مشاكل مافكرت بوضعك اذا معك عيال ؟؟؟!!!

    الشخص قبل الزواج يكون طاااااير بكل شي

    وبعد الزواج تتضح كل شي ويبدا يفكر بكل موقف
    الموضوع مو سهل ابدددد

    فكررررررري زين

    الله يسر امرك ويسعدك
  4. @aakd_allolo_6

    كوني جدا غامضة معه
    قولي انا تبت لله ورح اقطع اي تواصل
    موب لازم تبررين له وتحافظين على مشاعره

    هذا انسان استغلالي حبيبتي هو يدري انه مرفوض في عائلتكم ومع كذا يربطك بمشاعرك
    اللي يحب صدق ما يسوي كذا

    تدرين حتى لو تزوجتيه انك بترقصين في عينه ويتقوى عليك لو ما كان وراك سند وعزوه…
    تعرفين لو تركتيه انه ما رح يموت صح؟ رح يبحث عن زوجه تناسبه لكن طول ما انت معطيته فرصة رح يتمسك فيك اكثر ويتعسك اكثر

    لينك وبين نفسك اسقني ان الله اللي يتكفل ويرزق الطيور في اعشاشها رح يرزقه ويرزقك اهم شي لا تحاولين تقنعينه او تحافظين على مشاعر شخص ما يفهم يعني ايش احترام حرمة البيت واحترام لقرار ابوك ولا تكونين سبب معه في التسبب على ابوك.
    اذا حاول يهدد زيادة علمي احد من محارمك يتواصل معه

    ترا نسمع قصص عن بنات في علاقة ويوم جت تنهيها صار يقول خلينا نتقابل او هذه اخر مكالمة او الخ ويكون حاط في باله انه يبي يربطها زيادة ويبتزها.

    عذرا لكن الحب صار سلم يتشعبط فيه كل من هب ودب ويخرب حياة البنات والمسكينة رقيقة ما تبي تجرحه او تسئ له وهو ناوي نية قشره.

    توبي الى الله واتركيه بدون تفاصيل ولو زاد عن حده يلغي محارمك والله ليشرد زي الأرنب.

تابعي تجارب أخرى من هذا القسم.